ئه‌ڤه‌ گوتنه‌ ل 3/6/2017ێ لسه‌ر شاشا ئین ئار تی ژ لایێ) یێ سه‌روکێ فراکسوینا گوران ل به‌غدا ڤه‌ هاته‌ درکاندن و پشت راستم ئه‌ڤه‌ بوچوونا زوره‌ک ژ به‌رپرس و لایه‌نگرێن بزاڤا گوران و دبیت هنده‌ک ئالیگرێن ئێکه‌تیا نیشتمانی ژی ئه‌وێن نێزیک گوران هه‌مان بوچوون هه‌بیت،،،

دبیت گه‌له‌ک که‌س پێچه‌وانیا بوچوونا من بن لێ ئه‌وا ئه‌ز تێ دگه‌هم و پێشبینی دکم ئه‌ڤه‌ راسته‌وخوه‌ وێ رامانێ ددت کو ئه‌ڤان ئالیان ئه‌وا پێ چێبووی کو پارتی بکێشێن ده‌ستدانا ب شه‌رێ ناڤخوه‌یی یا کری و ئه‌گه‌ر ژێ بهێت ژی دێ کن .هێرشێن وان بو سه‌ر باره‌گاییة پارتی ل سلیمانی و گه‌رمیان و ئیستفزازکرنا پارتی و ده‌نگ دانا ب یاسایی کرنا حه‌شدا شه‌عبی و ...هتد ئه‌ڤه‌ هه‌می پێکول بووینه‌ کو پارتی رابکێشن وێ خه‌فکا وان هزر بو دکر و ئه‌نجامێ وێ جێ به‌جێ کرنا خه‌ون و هیڤیێن هه‌می دوژمنێن کوردا و ب تایبه‌ت مالکی و ئیرانێ بیت ژ بوی هندێ کو ئه‌ڤ ده‌لیڤه‌یا مێژوویێ جاره‌کا دی ژ ده‌ست گه‌لێ کورد بچیت و رویه‌کێ ره‌ش یێ کوردا بده‌ن جیهانێ و بسه‌لمینن کو کورد ب کێر ده‌وله‌ت داریێ ناهێن هه‌لبه‌ته‌ ئه‌ڤه‌ هه‌می تنێ بو وێ گرێ یا ده‌وونی یا ڤان ئالیا دگه‌ل پارتی و بنه‌مالا بارزانی هه‌ی دزڤریت ڤان ئالیا بهیچ ره‌نگه‌کی نه‌ڤێت پارتی و و سه‌روک بارزانی سه‌رکێشیا هیچ دوزه‌کێ بکن بگره‌ لسه‌ر هنذی کو پارتی چه‌ندین جاران داخوزا ژێ کریه‌ ملێن خوه‌ بدین هه‌ڤ بلا سه‌کیشیا گه‌لێ کورد هه‌میی بیت ته‌نانه‌ت ب وێ یه‌کێ ژی درزای نینن..

نزانم ڤان ئالیا د هه‌می مێژوویا پارتی دا د کیژان لاپه‌ره‌ی دا دیتیه‌ کو پارتی ده‌ست پێشخه‌ر بیت بو شه‌رێ براکوژیی ؟ نزانم کیژان ژ وان هێزێن کو شه‌رێ براکوژیێ کو خاله‌کا ره‌شه‌ ب ناڤ چاڤێن هه‌می پارتێن سیاسی یێن کوردیڤه‌ دگه‌ل پارتی ده‌ست پێکری کی ژوان پارتیا مایه‌ ل داویێ پوشمانیا خوه‌ ده‌رنه‌بری و دان ب خه‌له‌تیا خوه‌ نه‌کری..ئه‌ڤا نهاژی هنده‌ک ئالی و که‌سایه‌تی دکن و ئیستفزازکرنا پارتی دوباره‌ کرنا هه‌مان مێژوویێ یه‌ یا کو که‌س نه‌مای خوه‌ تێدا ل به‌ر سنگێ پارتی نه‌هه‌لاڤێتی و داویا داوی ژی شه‌رمزاری بارا وان بوویه‌..

لێ ئه‌وا کو دڤێت ئه‌ڤ که‌سانه‌ د قوناغا نها دا باش بزانن ئه‌ڤ گوتنا وان لسه‌ر پارتی کو وه‌سا دیار دکن پارتی ژ به‌ر به‌رژوه‌ندیا خوه‌ ده‌ست بو شه‌رێ ناڤخوه‌ نابه‌ت ئه‌ڤه‌ بخوه‌ ب هێز بوونا پارتی و پێشه‌نگ بوونا پارتی نیشان دده‌ت و ژ به‌ر کو پارتی باش د بارودوخێ نهایێ کوردستانێ و ناوچێ دگه‌هیت کو ئه‌و هیچ یان تێناگه‌هن یان خوه‌ تێناگه‌هینن دیسان پارتی ئه‌ڤه‌ رامانا وێ یه‌کێ ددت کو پارتی خوه‌ ب خودانێ پروژه‌یا ده‌وله‌ت بوونا کوردستانێ دزانیت پارتی هه‌ست ب بها بوون و گرنگیا وێ ئارامیا نها کوردستان ب خوینا هزاران شه‌هیدا هاتی به‌رهه‌م دکت و ئه‌و ژ ده‌ست پێکا دامه‌زراندنا خوه‌ و هه‌تا نها ئارمانجا وێ پاراستنا گه‌لێ کورد و کوردستانێ ژ ده‌ستێن کوله‌داریا دوژمنا قورتال بکت پارتی خوه‌ ب خودان و به‌رپرس دزانیت ل هه‌مبه‌ر پاراستنا پله‌ و پایه‌یا هه‌رێمێ دچاڤێن وه‌لاتێن جیهانێ دا هه‌ی هزار پارتی لسه‌ر پاراستنا سنورێن کوردستانێ یه‌ و به‌ر سنگ گرتنا داعشا و خوه‌ به‌رهه‌ڤ کرنا بو قوناغا پشتی داعش پاراستنا وان هه‌می کونسولخانه‌ و ئه‌ندایارێن کومپانیێن بیانی یه‌ ل کوردستانێ کو وه‌ پلانا ته‌قه‌کرن و ره‌ڤاندنا وان ددا به‌لێ پارتی به‌رژوه‌ندیا خوه‌ د به‌رژوه‌ندیا گه‌لێ کوردا دا دبینیت و به‌رژوه‌ندیا گه‌لێ کورد ده‌ست برنا ب شه‌رێ براکوژیێ ب تاوان دزانیت له‌وما پشت راست بن پارتی ب ئیسفزازێن وه‌ ده‌ست نابه‌ت وێ یا هوین هه‌ول بو دده‌ن ئه‌گه‌ر نه‌ مێژوو باش دزانیت کی به‌رخه‌ و کی به‌ران....