دویر نینه‌ ده‌ما هنده‌ک ڤێ رسته‌یا ل سه‌ری دبینن هنده‌ک گوهشی ببن و سه‌رێ وان سورمای ببیت ژ به‌ر په‌یدا بوونا هنده‌ک پرسا لدور وێ یه‌کێ چه‌وا دان نان ب ده‌وله‌ته‌کێ گرێدای ب هه‌بوون یان سه‌روکایه‌تیا که‌سه‌کێ دیار کری بیت؟

دبیت ژی ئه‌ڤه‌ پرسه‌کا د جهێ خوه‌دا بیت و پێدڤی ب راوه‌ستیانێ لسه‌ر هه‌بیت،،،بو سه‌لماندنا ڤێ یه‌کێ مه‌ پێدڤی ب هنده‌ک به‌لگه‌یا هه‌یه‌ کو بشێن ڤێ یه‌کێ بسه‌لمینین ،،،

ئه‌گه‌ر هنده‌ک پاشڤه‌ بزڤرین کوردستان ئانکو هه‌رێما کوردستانێ پشتی بهارا سالا 1991ێ و هه‌تا نها د قوناگێن زور سه‌خت و ئالوز و دژواردا ده‌رباز بوویه‌ ژ نه‌خوه‌شترینێن وان شه‌رێ ناڤخوه‌ بوویه‌ کو ڤه‌رێژا وێ هه‌تا نها ژی دمینیت و کارتێکرنا وێ هه‌یه‌،،لێ ئه‌گه‌ر هنده‌ک هویرتر سه‌حکه‌ین بویه‌را و ب تایبه‌ت رولێ سه‌روک بارزانی د ڤی ماوه‌ی دا و ب تایبه‌ت پشتی شه‌رێ رزگار کرنا عێراقێ ل سالا 2003ێ و هێرڤه‌ دێ بوومه‌ دیار بیت کو براستی ژی کو وه‌لاتێن جیهانێ بو هه‌بوونا ده‌وله‌تا کوردستانێ ل ناوچێ پێدڤی ب که‌سه‌ک وه‌ک بارزانی هه‌یه‌ ...پشتی شه‌رێ رزگار کرنا عێراقێ و هه‌تا نها و تایبه‌ت ژی پشتی ده‌ستپێکرنا بهار عه‌ره‌بی و هه‌تا نها ناوچا روژهه‌لاتا ناڤه‌راست ب تمامی مینا ڤولکانه‌کا ئاگری بوویه‌ و به‌رده‌وام رویدان و بویه‌رێن سه‌یر و عنتیکه‌ لێ رویداینه‌ و زوربه‌یا هه‌ره‌ زور یا وه‌لاتێن ناوچێ ژ ڤان رویدانا و تێکدانا ئارمیێ بێ بار نه‌بووینه‌ و ناوچه‌ ب ته‌مامی بوویه‌ فره‌جه‌مسه‌ری و ب تایبه‌ت ژی عێراق کو بوویه‌ ناڤه‌ندا ململانه‌ و ته‌سفیه‌حساباتێن وه‌لاتێن بیانی و زلهێزێن ناوچێ لی کوردستان وه‌ک پارچه‌کا دانه‌برای ژ عێراقێ ب تمامی به‌لانسا هیزێ دناڤبه‌را ئالیێن ناکوکی کار دا پاراستیه‌ و ژ بلی هندێ کو یه‌ک ژ ئارامترین وه‌لاتێن ناوچێ یه‌ ژ هه‌ر ئالیه‌کێ ڤه‌،،کو ئه‌ڤه‌ دخوه‌دا ئه‌رکه‌کێ ب ساناهی نینه‌ و تنێ که‌سێن کاریزما دکارن وه‌لاته‌کێ ئارام د جه‌رگێ ئاگریدا په‌یدا بکن ..نها هه‌رێـم پشتی ب ته‌مامی گه‌هشتی وێ باوه‌ریێ کو ده‌رگه‌هێن پێکڤه‌ ژیانێ دگه‌ل عێراقێ هه‌موو ب ته‌مامی هاتینه‌ داخستن مژارا ده‌وله‌ت بوونێ ئازراندی یه‌ و بو ڤێ یه‌کێ پێدڤی ب پشته‌ڤانیا ده‌ره‌کی هه‌یه‌ ب تایبه‌ت وه‌لاتێن روژئاڤا و ئه‌مریکا و تاراده‌یه‌کێ مروڤ دکاریت هه‌ست پێ بکت کو ئه‌ڤ یه‌ک ئێدی داخوازا وه‌لاتێن روژئاڤا ژی که‌ و باوه‌ریا وان ژی ئێدی ب عێراقه‌کا یه‌کگرتنی نینه‌،،،لێ ئه‌وا بو وان گرنگ ئه‌و کوردستانا دبیته‌ ده‌وله‌ت دڤێت کی سه‌روکێ وێ بیت ؟ ئه‌ڤه‌ د جه‌وهه‌رێ خوه‌دا پرسیاره‌کا زور گرنگه‌ و تایبه‌تمه‌ندیا خوه‌ بو وه‌لاتێن جیهانێ یه‌،،، له‌وما ژی ئه‌گه‌ر سه‌رنجێ بده‌ین هه‌رێما کوردستانێ و ب تایبه‌ت پشتی 2003ێ کو هه‌رێم وه‌ک هه‌رێمه‌ک فه‌درال مانا دگه‌ل عێراقێ هه‌لبژارد بارزانی ژ هنگێ و هه‌تا نها شیایه‌ زور سه‌رنجا جیهانێ بال خوه‌ ڤه‌ بکێشیت و ببته‌ جهێ پویته‌ پیدانا وان چ لسه‌ر ئاستێ ناڤخوه‌ و چ ل سه‌ر ئاستێ ژده‌رڤه‌ وه‌لاتێن روژئاڤا و ئه‌مریکا بو قوناغا نها یا دامه‌زراندنا وه‌له‌تا کوردستانی پێدڤیا وان ب که‌سه‌کێ هه‌یه‌ خودان هه‌لوسیت و بریارێن نه‌گور بیت و هه‌ر وه‌سا که‌سه‌ک بیت لسه‌ر ئاستێ ناڤخوه‌ خوه‌دان پشته‌ڤانیه‌کا جه‌ماوه‌ری یا زور بیت هه‌ر وه‌سا که‌سه‌کێ وه‌سا بیت بشێت ئارامی و ئه‌مانه‌تا به‌رژوهندیێن دوو لایه‌ن دناڤبه‌را هه‌رێمێ و وان وه‌لاتاندا ب پارێزیت کو ب شێوه‌یه‌کی پراکتیکی دنها دا هیچ که‌س ژ بلی بارزانی نه‌شیایه‌ و نه‌شێت وی رولی بگێرن پێداگیریا سه‌روک بارزانی و خاوه‌ن هه‌لویستیا وی لسه‌ر ئاستێ عێراقێ لسه‌ر هنده‌ک بویه‌ران سه‌رنجا ولاتا بو خوه‌ کیشایه‌ بو وان دیاربوویه‌ کو ئه‌و سه‌رکردێ بشێت ده‌وله‌تێ رابگه‌هینیت تنێ دێ بارزانی بیت پێداگیریا وی لسه‌ر به‌رزنه‌کرنا ئالایێ به‌عسیا ل هه‌رێمێ کو هه‌موو عێراق ل داویێ نه‌چار بوو ئه‌و ئالایه‌ گوهری نه‌دانانا وی ل په‌رله‌مانێ کوردستانێ ره‌دکرنا فیدرالیا پارێزگه‌ها فشارا وی و بریارا وی بو لادانا مالکی ره‌دکرنا رێگه‌دانێ بو ئیرانێ بو بکار ئینانا هه‌ولێڕی وه‌ک پێگه‌یه‌ک بو گه‌هشتنا بو سوریا به‌شدار بوونا وی وه‌ک فه‌رمانده‌یه‌کی سه‌ربازی ب شێوه‌یه‌کێ مه‌یدانی دگه‌ل هێزێن پیشمه‌رگه‌ی ل شه‌رێ دژی داعش نه‌چوونا ژێر بارێ فشارا به‌غدا و رێگری کرن ل هاتنا هێزا دیجله‌ ئه‌ڤه‌ ژ بلی هه‌لویستێ وی ل هه‌مبه‌ر هاتنا هێزێن تورکیا ل سالا 2003ێ بو به‌شداربوونێ د شه‌رێ ئازادیا عێراقێ دا هه‌ر وه‌سا ره‌دکرنا گه‌ف و هه‌ره‌شێن تورکیا بو سه‌ر که‌رکوکێ و هه‌ره‌شه‌یا ئازراندنا20 ملیون کوردا ل باکور وخوه‌باوه‌ری بوونا وی ب خوه‌ و گه‌لێ خوه‌ که‌سایه‌تیه‌کا وه‌سا ژێ چێکر کو نها بارزانی تاکه‌ سه‌رکردێ کورد بیت لسه‌ر ئاستێ هه‌ر چوار پارچێن کوردستانێ ئالیگر و خوه‌گوری که‌رێن وی هه‌بن ئه‌ڤه‌ ژبلی شیانا وی بو راکیشانا به‌رژوه‌ندیێن وه‌لاتێن جیهانێ و خالا ژ هه‌مێ گرنگتر سه‌رخستنا سامانێ ژێر ئه‌ردێ کوردستانێ و راکیشانا چاڤێن کومپانیایێن وه‌لاتێن جیهانێ بو کوردستانێ و پاراستنا ئێمناهیا وان ئه‌ڤه‌ سه‌ره‌رای زال بوونا سیاسه‌تا وی بسه‌ر وه‌لاته‌کێ وه‌ک تورکیا دا کو ژ مه‌زنترین دوژمنێن کوردا دهێته‌ نیاسین ئه‌ڤه‌ هه‌می کومه‌کا وان خالانه‌ کو وه‌لاتێن جیهانێ نه‌چار بکن هه‌بوونا بارزانی بکه‌نه‌ مه‌رجه‌کێ گرنگ بو دامه‌زراندن و دان نانا ب ده‌وله‌تا کوردستانێ ژبه‌ر کو ئه‌و باش دزانن ئه‌گه‌را گه‌ف و ئالوزیێن مه‌زن هه‌نه‌ ل ناوچێ ئه‌گه‌ر ئه‌و یه‌ک روبده‌ت و ته‌نها سه‌رکرده‌یێ بشێت خوه‌راگر و خوه‌باوه‌ر بت هه‌مبه‌ر وان گه‌فا ته‌نها دێ سه‌روک بارزانی بیت و گه‌ل مه‌زنترین پشته‌ڤانێ وی یه‌ و ئه‌ڤه‌ ژبلی هندێ کو ولاتێن روژئاڤا و ئه‌مریکا باش ئاگه‌هداری بارودوخێن حزبێن دی یێن کوردی نه‌ ب تایبه‌ت هه‌ریه‌ک ژ ئێکه‌تیا نیشتمانی و بزاڤا گوران کو هه‌تا نها د قه‌یرانا نه‌بوونا سه‌روکێ حزبێ دانه‌ ئه‌ڤجا چ به‌گه‌هت په‌یداکرنا کارێزمایه‌کی بو سه‌روکایه‌تیا وه‌لاتی د قوناغا نهادا ئه‌ڤه‌ راستیه‌که‌ دڤێت هه‌می دان پێ بنین و هه‌می حزب و لایه‌نێن کوردی دڤێت ڤێ یه‌کێ په‌سه‌ند بکن و نه‌که‌ڤن ژێر کارتێکرنا هه‌ستێن خوه‌ یین حزبی و پشته‌ڤانێن بهێز بن بو بارزانی ....