کێ تورکیا ئیناند سه‌ر هێل
شڤان سالم گولی
لێ ئه‌وا گرنگ و جهێ باس کرنێ یه و زور جاران ل ڤێره و وێراهه هنده‌ک لایه‌نێن سیاسی پارتی تومه‌تبار دکن و چوونا ژێر رکێڤا تورکیا
بگره هه‌ر بریاره‌کا سیاسی ل کوردستانێ ئه‌گه‌ر ب دلێ تورکیا نه‌بیت پارتی لسه‌ر رازی نابیت دیسان پارتێ تاوانبار دکن کو سامانێ ژێر زه‌ڤی یێ کوردستانێ هه‌می راده‌ستی تورکیا کریه هه‌لبه‌ته باش دیارن ا ئه‌و لایه‌نێن وه‌سا داخویانیا ددن کا ئاڤا کانیا وان ژ کی ده‌رێ دزێت و مه‌به‌ست و ئارمانجێن وان زور دیارو ئاشکه‌رانه لێ فه‌ره هنده‌ک لسه‌ر ڤان گوتنا براوه‌ستین و جارێ هنده‌ک پرسا ژ وان ئالیا بکه‌ین بو هندێ کو راستی بو هه‌ر لایه‌کێ دیار ببیت،
ب باوه‌را من پارتی هه‌ر زو لسه‌ر وان هه‌می ناکوکێن کو تورکیا دگه‌ل باشور هه‌ین هه‌ست ب گرنگیا رولێ تورکیا بو ده‌ڤه‌رێ کریه کو ته‌نها ده‌رگه‌هه بو گه‌یاندنا ده‌نگێ مه بو وه‌لاتێن روژئاڤا له‌وما هه‌می هه‌ول و کوشش خسته گه‌ر بو په‌یداکرنا په‌یوه‌ندیا لسه‌ر ئاستێن بالا لگه‌ل تورکیا و هه‌لبه‌ته بهیچ ره‌نگه‌کی ژی ئه‌ڤ هه‌وله لسه‌ر حسابا به‌رژوه‌ندی و ئارامگیریا هه‌رێمێ نه‌بووینه و به‌لگه ژی لدور ڤێ یه‌کێ دزورن..هه‌ر بو نمونه ژی پێداگیریا پارتی ل سالا 2003ێ لسه‌ر رێگری کرن لسه‌ر به‌شداربوونا تورکیا د شه‌رێ عێراقێ دا دگه‌ل وه‌لاتێن ناتو ..دیسان گه‌فێن جه‌نابێ بارزانی ل سالا 2007ێ هه‌مبه‌ری ده‌ست تێوه‌ردانێن تورکیا ل ده‌ڤه‌رێن تورکمان نشین و ب تایبه‌ت ل که‌رکوکێ کو ئه‌گه‌ر تورکیا باس ل که‌رکوکێ بکه‌ت مه ژی دیار به‌کر ل به‌ر ده‌سته و دشێن ب ئازرینین...ئه‌ڤه دوو نموونێن هه‌ری زیندینه لسه‌ر رێگری کرنا پارتی ل ده‌ست تێوه‌ردانێن تورکیا ل هه‌رێمێ،،و ئه‌وا جهێ پرسێ ژ وان ئالیا ئه‌وه کێ د وی ده‌می دا ملێ خوه ب ملێ پارتی ڤه‌نه و هه‌لویسته‌کێ ب کریار وه‌رگرت هنده‌ک ئالی کو نها پارتی ب وێ یه‌کێ تومه‌تبار دکن نه‌ک ل وی ده‌می هه‌ر بێ هه‌لوسیت بین به‌لکو تا رادده‌یه‌کێ د بێ غه‌م ژی بین ل هه‌مبه‌ر هاتنا تورکیا له‌وما ژی ئه‌ڤه ئه‌گه‌ر چاڤێن خوه لێ نه‌باده‌ین دوو کریار و بریارێن مێژووی نه بو پارتی کو تێرا هندێ هه‌بن بو هه‌می ئالیا پارتی نه دارده‌ستیا تورکیا بوویه و نه پێ قه‌بوله ژی ببیته دارده‌ستێ تورکیا
ئه‌ڤه د ده‌مه‌کێ دا کو ئه‌وا مه ئاماژه پێدای پارتی ئه‌و پله و هێزا نها لبه‌ر ده‌ست هه‌یه یه‌کجار نه‌بوو و هێزا پیشمه‌رگه‌ی هێزکا ڤالا بو ژ هه‌می جوره چه‌که‌کێ پێشکه‌فتی و قورس لێ ئیرادا پارتی و پێشمه‌رگه‌ی خوه ب سه‌ر وی چه‌کێ گران و قورس دا دیت و هێشتا ئه‌و چه‌په‌رێن پێشمه‌رگه‌ی ل هه‌مبه‌ر ده‌رباز بوونا بو سنورێ هه‌رێمێ گرتین د به‌رچاڤن و باوه‌رم د ئه‌رشیفێ تی ڤیان ژی دا هه‌نه،
ئه‌رێ ئه‌و سیاسه‌ت و ده‌ستکه‌فتێن پارتی بو گه‌لێ کوردستانی ژ په‌یوه‌ندیێن دگه‌ل تورکیا بده‌ست خستین وان ئالیێن دی ژ وان وه‌لاتین کو به‌رده‌وام ب به‌ژنا وان دبێژن بو کورردستانێ ب ده‌ست خستنه ؟ ئه‌ڤه بخوه پرسه‌کا زور یا گرنگه بو نمونه هه‌ر یه‌ک ژ (ئیران و عیراق) کا دا هه‌ڤبه‌ر کرنه‌کێ بکه‌ین داب اشتر ببینین کا ئه‌نجامێن په‌یوه‌ندیێن هه‌ر لایه‌کێ دگه‌ل لایه‌نێ دی بو هه‌رێما کوردستانێ چ بوویه و دیسان بو کوردێ د وه‌لاتێن به‌رامبه‌ردا چ بوویه ؟
پارتی ب سیاسه‌تا خوه شیایه گورنکاریێن هه‌ر مه‌زن بسه‌ر سیاسه‌تا تورکیا دا ل هه‌مبه‌ری دوزا کوردا چ ل باشور و چ ل ناڤخویا تورکیا دا بهینیت و رازی بوونا تورکیا بو ده‌ست پێکرنا پروسێسا ئاشته‌وایی و دیسان راکێشانا بوریا نه‌فتێ کو تورکیا باش دزانیت ئه‌و شاده‌مارا ئابوری یا کوردستانێ یه و پێشوازی کرنا فه‌رمی ل جه‌نابێ سه‌روکی وه‌ک سه‌ورک وه‌لات و ئه‌نجامدانا پروتوکولا هه‌ر وه‌سا دانانا ئالایێ پیروزێ کوردستانێ ل هه‌مان کوچکا کو هه‌بوونا کوردا تێدا دهاته ئینکار کرن دیسان رازی کرنا تورکیا بو رێگه‌دان ب ده‌رباز بوونا هێزا پێشمه‌رگه‌ی بو چه‌ک و ئالایێ کوردستانێ ڤه لسه‌ر سنگی ئاخا تورکیا و وێ پێشوازیا گه‌رم یا ژ لایێ خه‌لکی ڤه ل باکور لێ هاتی کرن هنارتنا سه‌دان کومپانیایێت تورکی بو هه‌رێمی ،،هتد کاره‌کێ هنده یێ ئاسان نینه و ده‌ستکه‌فتێن بچوکی ژی نینن،،
ئه‌ڤه هه‌می ژ بلی ئازاد بوون و رێگه پێ دانا پارتێن کوردی و به‌شدار بوونا وان د هه‌لبژادنین په‌رله‌مانی دا و به‌ست خستنا پتر ژ 80ێ کورسیکا و کو ئه‌ڤه بخوه ده‌ست که‌فته‌کێ زور مه‌زن بوو ژ بوی دوزا کوردا ب باکور کو مخابن ئه‌و یه‌ک ژ ئه‌نجامێ کاریگه‌ریا هه‌مان وه‌لات و پارتێن گه‌له‌ک لایه‌ن نها ژی ده‌ست بو دقوتن مه ئه‌م هه‌می نها دبینین کا ره‌وش ب چ ئاقار دا چوو و ئه‌نجام بوون چی ؟ ئه‌ڤه د ده‌مه‌کێ دا هه‌می هه‌ول هاتن دان بو هندێ کو (هه ده‌په) به‌شداری حکومه‌تێ ببت و بشێت باشتر رول و ده‌نگێ خوه بگه‌هینیت لێ مخابن ئه‌و یه‌ک نه‌ک هه‌ر چێ نه‌بوو به‌لکو وه‌ک مه ئاماژه پێ دای هنده‌ک بوون ئه‌گه‌را ژ بن برنا وێ خه‌ونێ
هه‌لبه‌ته د هه‌می یاسا و پروتوکولێن نێڤ ده‌وله‌تی ئه‌ڤجا لسه‌ر هه‌ر ئاسته‌کی بن به‌رژوه‌ندی د دولایه‌نه‌نه و تورکیا ژی وه‌ک بازاره‌کێ هه‌ری گرنگ ته‌ماشه‌ی هه‌رێمێ دکت،،،
له‌ورا ژی بباوه‌را من پارتی شیایه روله‌کی هه‌ری به‌رچاڤ ل ڤان هه‌رسێ ده‌هه‌یێن بوریدا بسه‌ر سیاسه‌تا تورکیا دا بگێریت و و نێرینا تورکیا ژی هه‌مبه‌ری دوزا کوردا گوهرێنا بسه‌ر دا بینیت هه‌ر وه‌سا شیایه تا رادده‌یه‌کا باش قه‌ناعه‌تی بو تورکیا چێ بکت کو هه‌بوونا ده‌وله‌ته‌کا کوردی نه‌ک دژی تورکیا نابیت بگره دێ جیرانه‌کێ زور باش و لسه‌ر بنیاتێ به‌رژوه‌ندیێن دولایه‌نه بیت،،و پارتی وه‌ک حزب ب تنێ ب هیچ شێوه‌یه‌کێ خودان به‌رژوه‌ندی نه‌بوویه ئانکو باشتره بێژم هه‌می هه‌ولا پارتی بو به‌رژوه‌ندیا دناڤبه‌را هه‌رێم و تورکیا دا بوویه بێ ی کو لسه‌ر حسابا هیچ لایه‌نه‌کێ دی بیت
لێ ئه‌گه‌ر ئه‌م چاڤ ل وان وه‌لات و پارتێن کوردی بده‌ین کو پارتی تومه‌تبار دکن بو په‌یوه‌ندیا دگه‌ل تورکیا ئه‌رێ وان هه‌مبه‌ر ده‌ست که‌فتێن پارتی ژ تورکیا و گه‌لێ کورد ل هه‌رێمی و دیسان گه‌لێ کورد ل باکور وان چ ده‌ستکه‌فته‌ک بو هه‌رێمێ و روژئاڤا هه‌بوویه ؟
کو ئه‌ڤه پرسه‌که دێ به‌رسڤا وێ بو وان ئالیا ب جی هێلم...
