گهفێن مالکی و مهدحێت ناڤ کوچکا...!!!!
June 1, 2017
وتار و بیروڕا
لێ ئهوا مه دڤێت بێژین ئهڤه چهندسالهکن مالکی ماوه بو ماوههندهک گهفێن بێ بنهما ل ههرێمێ دکت و ئاماژه ب بکار ئینانا هێزا سهربازی ژی دکت ل ههمبهر پیشمهرگهی ب دهربرینا وی ئهگهر پێوسیت بکت،،،!!!
نزانم مالکی ب راستی ژی وهسا هزر دکت کو دێ شێت وی کریارێ ئهنجام بدهت یانژی وهک کورد دبێژن (تڕیت بهر کوچکا نن)..!!!؟؟؟؟
لی ئهگهر هندهک پاشڤه ڤهگهرین و چاڤ بدهین سهر هندهک بویهرێن کو روی داین رهنگه بشێن بزانین ئهرێ مالکی کێژان ژ ئهوێن مه لسهری باس لی کری یه ؟
پشتی مالکی ههمی ههول و بزاڤێن خوه کرین کو ههرێمێ و ب تایبهت پارتی و سهروک بارزانی ب ئێخیت ژێر رکێڤا خوه و حهزێن خوه ههلبهته ژ بیر نهکین پارت و ئالیێت کوردی ژی دڤێ یهکێ دا بێ رول نهبین لێ ئهڤ یهک بو وان بو خهونهک و چو جارا نههاته دی لهوما ژی مالکی پێ خهمهت تولڤهکرنا ژ ههرێـمێ ئهوا ژێ هاتی هیچ نکولیهک لێ نهکر بگره ژ چێکرنا هێزا دیجله و ههولدان ب رهوانه کرنا وێ بو دهڤهرێن کوردستانی لێ وان باش دیت کا جهماوهرێ کوردستانێ چهوا لێ هاته دهنگ و بهرسڤهکا توند ژ خهلکی کوردستانێ وهرگرت کو ئهو یهک بو مالکی و یێن وهک مالکی ئێدی خهونهکه کو چو جارا ناهێته دی ئێدی پوستالێن عهرهبا بسهر سنگێ خاکا کوردستانێ دا بچن..پشتی ئهڤێ یهکێ و ژ ئهنجامێ وی سیاسهتا ا توندرهو و مهرجهعی دژبهریهکا توند دناڤبهرا وی و سوننهیان دا چێبوو و عێراق گههاند گوپیکا ئالوزیان.. پاشهکشانا هیزێن عێراقی ژ موسل و رادهستکرنا وێ بو دهستێ داعشا پارچهیهک بو ژ پیلانا مالکی و سهرانێن وی بو ههرشه کرنێ لسهر ههرێـمێ و لاوازکرنا سوننهیان و ژ ئهنجامێ وێ ژی مه باش دیت کا عێراق بهر ب چ ئاقارهکی دا چوو،،ژ بلی ڤێ دهست برنا وی بو برینا مووچه و بودجێ ههرێـمێ دیسان ب پێشنیارا هندهک ئهندامێن بالا دهستێن پارتێن کوردی کو لدویف ههموو عورفهکێ دهستوری و یاسایی نابیت مووچه و قوتێ خهلکی بێته نرین ژ ئهگهرێ کێشمهکێشێن سیاسی لێ مالکی ئهڤ یهک ژی وهک فشارهک بو سهر ههرێـمێ کر کو ئهڤه ئهو پهرێ توندرهویی نیشان ددت
ئهوا ل ڤان روژێن داویێ مه بهیستی گهفێن بکار ئینانا هیزی بین دژی پێشمهرگهی،،،!! نزانم کا مالکی چهوا سهح دکهته پێگهیا ههرێـمێ د ئاستێن جیهانی دا لێ باوهر ناکم کو مالکی ب چاڤێن خوه نهدیتبیت کو پشتی داعشا موسل ستاندی و بهرب لیوارێن بهغدا و سامرا دچوو یهک وهلات ژی دویر و نێزیک مایی تێکرن تێدا نهکر و ههمی تهماشهڤانێن بویهرا بین کا دێ عێراق بهر ب کیڤه چیت؟
لێ پشتی ب ئاماژهیا مالکی و سهرهکانیا مالکی داعشا رویێ خوهدایه ههرێمی د کـێمتر ژ 48 دهمژمێراندا وهلاتێن ههڤ پهیمان هاتن سهرهێلێ و مه ههمیا بهیست کو ئهمریکا و ههڤ پهیمانا ههولێر ب هێلا سور بو ههر لایهنهکێ پێناسهکر و ژ وێ گاڤێ ههتنا نوکه ههولێر پڕترافیکترین پایتهختێ سیاسی بوویه ل ناوچێ ل ئاستێن ههری بهرزدا..ژ بلی هاتن و ئیناندنا سهدان شێوهرمهدنێن سهرباز بو ههوڵێری...ئهڤه ژبلی هندێ کو چهندێن جارا سهروک وهزیر و ئاست بهرزێن وهلاتا سهرهدانا بهروکێن شهری کرینه و ب چاڤێن خوه دیدهڤانێن سهرکهفتنێن پێشمهرگهی بووینه و ئێدی پێشمهرگه سومبولهکێ جیهانی یه و جیهان شانازیێ پێ دکهت..مالکی ب چاڤێن خوه چوونا سهدان پیشمهرگهیان بو کوبانێ لسهرداخوازا جهنابێ سهروکێ لسهر خاکا تورکیا را دیت وههر وهسا شاهدێ وێ یهکێ ژی بو کو لسهر داخوازا جهنابێ سهروکێ ههڤپهیمانان هێرشێن ئاسمانی بو سهرپێگهیێن داعشا ل کوبانێ دهستپێکرن،،لهوما ژی ب باوهرا من مالکی نها ژی باش دزانیت دهست درێژ کرن بو هێزێن پیشمهرگهی هێلهکا سوره لسهر ئاستێ جیهانی و دێ کارڤهدانێن جیهانی لێ کهڤن و ئهڤه ژ بلی هندێ کو پێشمهرگه ئهو هێزهیهک کو ئهفسانهیا وان داعشێن عێراق تارومارکری شکاند و خودان ئیرادهیهکا پولائینه ...لهوما ب ههمی هزرا من مالکی و گهفێن وی تنێ مهدحێت ناڤ کوچکانن و هیچ پێ ناهێته کرن ژ بهر کو ئهوا ژێ هاتی یا کری ...