دهما مروڤ بخوه دکهڤن خهفکا خوه...!!!
May 31, 2017
وتار و بیروڕا
![دهما مروڤ بخوه دکهڤن خهفکا خوه...!!!](https://gulanmedia.com/public/old_images/nusaran/_n-1.jpg )
ههلبهته من دڤێت دێ رێکا ڤێ دهرازینکا لسهری مه باس لێ کری دا هندهک بالێ بکێشم لسهر وان رویدان و بویهرێن سیاسی ئهوێن دڤان چهند سالێن بوری دا ل باشورێ کوردستانێ ب گشتی و سلێمانیێ ب تایبهت روی دان و بزانین کا چهوا هندهک لایهنا خهونا دانانا خهفکا بو لایهنکێ دی دیتیه و ههم ههول و بزاڤ داینه بو لادانا وی لایهنی و سهرئهنجامێ وان خهفکا چ بوویه...
پێ نهڤێت دهما ئهم باس ل سالێن بوری و دهڤهرا سلێمانیی دکین یهکسهر بویهرێن 17 شوباتا 2009 و راگهیاندن یان بێژین دامهزراندنا تهڤگهرا گوران ب بیر مروڤی دهێت کا چهوا ب بانگهشهیین بریقهدار رشتن سهر شهقاما و چهوا خهلک هانی ئاژاوهگێری و لێدانا پارتی دکرن بگره ههمی ههولێن خوه ژی دان بو دهرکرنا پارتی وهک حزب ل وێ دهڤهرێ و بویهر ژی زور د دیارو ئاشکهرانه کا چهند جارا هێرشی بارهگایێن پارتی ل سلیمانی و گهرمیان کرن کادرێن پارتی ژی شههید کرن...ئهگهر هندهک سهرنجا خوه بدهین سهر وان گوتار و سمینارێن ل ڤێره و وێراهه ژ لایێ کهسێن د ئاستێن بهرزدا ل ناڤ گوران زور ب ئاشکهرایی مروڤ دشێت ههست ب هندێ بکت کو سهرکردێن بزاڤا گوران و جهنابێ نوشێروان مستهفا زور ژ وێ رێکهفتنا دناڤبهرا پارتی و ئیکهتی دا هاتیه مورکرن توره بوویه ههر چهنده وی بخوه ل دهما رێکهفتنێ زور پهسنا وێ یهکێ دکر لێ دیاره وهک وی ڤیایی ئاڤ ب جوکا وی دا نهچوو لهوما کهفت پیلان گێرانێ و ههولدانێ بو پاشگهز بوونێ ژ وێ رێکهفتنێ و پهیدا کرنا کوسپ و تهگهرا لێ وهسا دیار دبیت جهنابێ مام جهلال نهکهفتیه ژێر فشارا وی و سهرئهنجام بزاڤا گوران ب وی رهنگه و شێوازێ مه ههمیا دیتی هاته راگهیاند و د راگهیاندنێن خوهدا سهرتاپایاپروسا سیاسی ل ههرێمێ کو ئهو بخوه پشکهکا کاریگهر بوون تێدا یهکسانی چوننه کر و ههمی هێرشا خوه خسته سهر ئێکهتی و پارتی و ههر چ گوتنهکا نا رهوا و دویر ژ رهههندێن نیشتمانی دانه پال ههردوو پارتیا و پشتی ههلبژادنێن 2009ێ وهک تهڤگهرهکا ئوپوزسیون بهشداری پهرلهمانی بی ،،،ئیدی پهرلهمان ب بهشداریا وان ژ دهزگایهکێ تهشریعی بو دهرکرنا یاسا و دویف چوونا کاروبارێن حکومهتێ ئاراستهیا وێ هاته گوهرین بو تهسفیه حساباتێن سیاسی و مزایهداتێن سیاسی و خوه بێ بهری کرنا وان ژ ههمی بهرپرسیارهتیا خوه ژ وان گهندهلی و کێم و کاسیێن د حکومهتێن یهک ل دویفێن ههرێمێ داههین،و دیسان ههمی ههول وبزاڤێن خوهدان بو شکهست ئینان ب وێ ریکهفتنا ئیستراتیجیا دناڤبهرا پارتی و ئیکهتی دا ههی و مهبهستا سهرهکیا وان ژی لاواز کرنا پارتی یان ژی بێژین پهراوێز خستنا پارتی بوویه و بو ڤێ چهندێ ژی ژ ههر تشتهکی درێغی نهکریه لێ دسهر ڤێ ههمیێ ژی را بهردهوام پارتی ههولێن ئاشتهوایی و راگرتنا بهلانسێ بوو بگره زور جاران ژی ههولا لێک نێزیک کرنا وان و ئێکهتی ژی ددا و ل پشتی ههلبژادنێن 2013ێ ژی پشتی گوران بریارا بهشدار بوونا د حکومهتێ دادای پارتی وهک نیازپاکی یهک دهست ژ ئیستحقاقا خوه بهردا و پوستێ سهروکێ پهرلهمانی دگهل چهند وهزارهتهکا کو دوو ژ وان ژ وهزارهتێن سیادی بین (پێشمهرگه و دارایی) ب گوران بهخشین لێ دیسان گوران ئهڤ چهنده ب مهبهستێن خوه یێن تایبهت بکار ئینان و بهردهوام ل دژی وێ حکومهتێ راوهستیان کو ئهو بخوه پشکهکا گرنگ بوون ژێ و پهرلهمان ژی بی درێژه پێ دهرێ ههمان رهوتا بوری و کێشمهکێشێن سیاسی و ههمی ههولێن خوه ددان بو شکست ئینان ب حکومهتا کو پارتی سهرکێشیا وێ دکت، ههلبهته بالهکێ دیار یێ ئێکهتیا نیشتمانی ژی ژ ڤێ چهندێ دویر نهبی و دهستێن وان زور جارا دههڤدابین ،،،ههتا ئازراندنا پرسا سهروکاتیا ههرێمێ کو ههرێم د وێ دهمی دا د دژوارتین قوناغا خوه یا سیاسی دا دهرباز دبی و شهرێ داعشا لێوراێن دهرگههێ ههولێرێ دقوتا و ئهوا ئهڤ یهکه بخوه ب دهلیڤه زانی و کهتن پیلان گێرانێ بو ستاندنا متمانێ ژ جهنابێ سهروکی ب هیجهتا دهرباز بوونا ماوێ وی یێ یاسایی لێ ژبیر کربین د رهشنڤیسێ دهستورێ ههرێمێ دا هاتیه ئهگهر کاودانێن ههرێمێ ژ لایێ سهربازی ڤه نهدئارام بن ئانکو ههرێم د شهری دا بیت مافێ سهروکی ههیه بهردهوام بیت لسهر ئهرکێ خوه مه ههمیا دیت کا وان ل ژێڕ چاڤدێرا کونسولێ ئیرانێ ل هولا پهرلهمانی چ ئاههنگهک بهرپا کر ب ههلکهفتا دهرکرنا بریارا ب داوی هاتنا ماوێ سهروکایهتیا ههرێمێ لێ مخابن وان وێ شهربهتێ دلی وان نه تهزاند و ههر زویا وهلاتێ روژئاڤا و ئهمریکا ژ ههست کرنا وان ب گرنگیا رولێ پارتی و سهروک بارزانی هاتن سهرهێڵی لێ مه دیت بزاڤا گوران هیچ رێزهک نه ل خوه ل بریارا سهرکردایهتیا خوه نهگرتن لسهر پاش خستنا کومبوونێ بو چهند دهمژمێرهکا لێ ئهنجامێ وێ یهکێ بی دهرکرنا وهزیرێن گوران و د، یوسف کو بهردهوام پشکهک بوویه ژ وان کێشهیێن دناڤا پهرلهمانی دا ل شوینا رولێ سهروکێ پهرلهمانی بگێریت..و هوسا هێدێ هێدی بزاڤا گوران ژ کویێ پروسا سیاسی و دهستکهفتێن باش و خراب یێن حکومهتێ هاته بێ بار کرن بگره لسهر ئاستێ نێڤ دهولهتی ژی هیچ گرنگی بهایهک پێ ناهێته دان و ههتا گههشت وی راددهی پهرلهمانتارێن ئوروپا بهرپرسیارهتیا هاوهلاتێن خوه ئهوێن کو کونسولگهری وکومپانیێن وان ل کوردستانێ کار دکی ئێخستن ستویی گوران ،،ئهڤه ههمی د دهمێ کێ دا کو بزاڤا گوران ههمی دهما حاشاتی ل هندێ دکرن کو یێ ههولا وهلانانا پارتی ژ سهرجهمێ پروسا سیاسی ددن لێ ل داویا داویێ ههم (عهدنان ئوسمان) لسهر شاشا (روداو) بهری چهند شهڤهکه بێ کو بڤێت گوت (مهبهستا مه ژ رێکهفتنا دگهل ئێکهتی پهراوێز خستنا پارتی بوو) ههم ژی (د.ئازاد جندیانی) د دیدارا خوه یا دگهل روداو دا گوت (مهبهست ژ وێ رێکهفتنێ دژایهتی کرنا پارتی ) لێ سهرئهنجام ئهو بخوه کهفتن خهفکا خوه و پارتی ههر ههمان پارتی ما بگره زور بهێزتر چ لسهر ئاستێ ناڤخوهیی و چ لسهر ئاستێ ناڤ دهولهتی..