شۆرشی گوڵان و ئامانجه مه‌زنه‌كه
ن:علی چیایی
له‌وكاته‌دا دوژمنه ملهوڕه‌كه‌ی به‌غداد له زاقه زه‌قا ئه‌یناڵاند، چونكه هه‌رگیز پێشبینی ئه‌وه‌ی نه‌ده‌كرد جارێكی تر شۆڕش ده‌ست پێبكاته‌وه ،شۆرشی گوڵانی پێشكه‌تووتن خوازی نیشتمانی به‌یه‌كێك له شۆڕشه هه‌ره گرنگ و پڕ دسكه‌وته به به‌هاكانی نه‌ته‌وه‌كه‌مان ده‌ژمێردرێت، چونكه جارێكی تر پێناسه‌یه‌كی مۆدێرن بۆ شۆرش به‌هه‌ڵومه‌رجی ئه‌وكات به‌گوێی مرۆڤی كوردیدا چڕپاند، جگه له‌وه‌ش توانی سود له‌و كه‌م و كورتیان وه‌ربگرێت كه پێش خۆی هه‌بوون تاوه‌كو شۆرش ئامانجه گه‌وره‌كه بپێكێت .
به‌پاڵپشتی سه‌ركردایه‌تی شۆڕش و خه‌ڵكی كوردستان سه‌ره‌ڕای بوونی چه‌ندین ئاسته‌نگ تواندرا رێگه له‌وه بگرێت كه شۆڕش به‌ره‌و لاوازی بچێت، هه‌ر بۆیه په‌رله‌مان و حكومه‌تی هه‌رێمی كوردستان زاده‌ی به‌رهه‌می ئه‌و شۆڕشه‌ن كه ته‌واو كه‌ری شۆڕشی مه‌زنی ئه‌یلوله.
گرنگی شۆڕشه‌كه بریتی بوو له كۆتایی هێنان به‌و ڕه‌شبینیه‌ی كوردستانیان له‌دوای نسكۆی (1975ز) كه ڕووبه‌رووی مرۆڤی كورد بوه‌وه، جارێكی تر گه‌ڕانه‌وه‌ی هیواو ئامانج بوو وه‌ك موژده‌یه‌ك كه هه‌ڵسانه‌وه‌و گه‌یشتن به‌مافه ڕه‌واكان شتێكی گره‌نتی یه، بێگومان به‌شێكی زۆریشی هاتۆته‌دی .
ئێمه دوای 41ساڵ یادی شۆڕشێك ده‌كه‌ینه‌وه كه توانی شكۆی مرۆڤی كورد به‌رز ڕابگرێت و چه‌ندین ده‌سكه‌وتی پڕ به‌ها بۆ نه‌ته‌وه‌كمان به‌دی بهێنێت ئێستاش له‌بارودۆخێك دا ئه‌م یاده پیرۆزه ئه‌كه‌ینه‌وه كه شه‌ری زلهێزترین ده‌وڵه‌تی تیرۆرستی كه خاوه‌ن ئایدیایه‌كی نائه‌خلاقی ئه‌كه‌ین كه داعشه.
ئه‌م به‌رخودان و به‌رگریه‌ی كه پێشمه‌رگه‌قاره‌مانه‌كان به سه‌رۆكایه‌تی (سه‌رۆك بارزانی)له ماوه‌ی رابردوو كردیان دژ به‌چه‌ته‌كانی داعش، جگه له‌وه‌ی به‌شێكه له به‌رگری نامه‌ی شۆڕشی گوڵانی پێشكه‌وتن خوازی نیشتیمانی ئه‌مه‌ش مانای ئه‌وه‌یه نه‌ته‌وه‌ی كورد كۆیلایه‌تی و ژێر ده‌ستی هیچ هێزو تاقمێكی قبوڵ نیه، دواجار رێگه ڕاسته‌كه راگه‌یاندنی ده‌وڵه‌تی سه‌ربه‌خۆیی كوردستانه، به‌ڵام ئه‌وه‌ش ده‌بێت به‌كرده‌یی بسه‌لمێنرێت وه‌ك چۆن شۆڕش هیوای گه‌رانده‌وه‌و زه‌برێكی بێ وێنه‌ی له دوژمنه جه‌لاده‌كه‌ی به‌غداد دا، هه‌رواش سه‌ركردایه‌تی ئێستای دامه‌زاوه‌كانی حكومه‌تی هه‌رێم و ده‌سه‌ڵاتی سیاسی كوردستان چاكسازی بكه‌ن و سزایه‌كی قوڕسی ئه‌وانه بده‌ن كه رێز له خوێنی شه‌هیدان و قوربانی و ماندووبونی پێشمه‌رگه ناگرن، چونكه په‌یامی شۆرشی گوڵانی پێشكه‌تن خوازی نیشتیمانی خاوه‌ن بنه‌مای باشه له پێناو خاك و خه‌ڵك له‌هه‌مان كاتدا گه‌یشتنه به سه‌ربه‌خۆیی كوردستان ،به‌رزو پیرۆز بێت یادی شۆرشی گوڵانی پێشكه‌وتن خوازی نیشتیمانی .
