ئەوانەی پیلانگێری دژی میللەتی كورد و دۆزەرەواكەی دەكەن و دەیانهەوێت ژێر دەست و كویلە بمێنێتەوە و مێژوو و خەباتی دەیان ساڵەمان نادیدە دەگرن و سووكایەتی بە پیرۆزییەكان و پێشمەرگە وئاڵای كوردستان دەكەن ، دەبێت پەند لە مێژوو وەربگرن ،كاتی ئازادی و سەربەخۆیی كوردستان و ریسوابوونی ناحەزانە .با پەیامی سەرۆك مسعود بارزانی ، بكەینە، هەوێنی یەكریزی و تەبایی بۆ میللەتی كورد و بەدیهێنانی ئاواتی لەمێژینەوەمان .پێوستە ئیتر نەكەوینە ژێر پروپاگەندە و كاریگەری نەیارانی كورد ئەوانەی دەیان ساڵە بە هەموو شێوازێكی رێگریان كردووە لە گەیشتنی كورد بە مافەرٍەواكانی و دەبێت یەكدەنگ و یەكهەڵوێست بین بۆ شكاندنی پیلانی دوژمنانمان . ئەو فیداكاری و خۆبەخشی و یەكریزییەی هێزی پێشمەرگەی كوردستان بە ،بەسەركردایەتی راستەوخۆیی سەرۆك بارزانی ، لە ناخۆشترین بارودۆخەكان ئەنجامیان دا ، خۆشەویستی و یەكهەڵوێستی و گیانبەخشی بوو بۆ كوردستان.ئەمڕۆ گەلی‮ ‬كورد لە سایەی‮ ‬خەبات و تێكۆشان و گیانفیدایی‮ ‬پێشمەگە وهاوكاری‮ ‬خەڵكە دڵسۆزەكەی‮ ‬و خوێنی‮ ‬ئاڵی‮ ‬شەهیدەكانی،‮ ‬توانیویەتی‮ ‬كیانێكی‮ ‬جوانی‮ ‬سەربەخۆ لە باشوری‮ ‬كوردستان دابمەزرێنێ و دواتریش هەنگاو بە هەنگاو لەگەڵ رەوتی‮ ‬مێژوودا رووەو دەوڵەتێكی‮ ‬سەربەخۆی‮ ‬كوردی‮ ‬رابگوزەرێ و ئیعلانی‮ ‬سەربەخۆیی‮ ‬خۆی‮ ‬بكات،‮ ‬بەڵام بە داخەوە هەواڵی‮ ‬هەڵبەستراو زیاتر بارودۆخەكەیان ئاڵۆز و شڵەژاوتر كردووە كەئەوەش خۆی‮ ‬لە خۆیدا بۆ خەڵكی‮ ‬كورد و ئەزموونەكەی‮ ‬كارێكی‮ ‬ئێجگار بێزاركەرو قێزەونە‮.. ‬كە ئەوەش خەریكە لە گرێژەنەچوون و ترازاندنێكی‮ ‬خراپتر و نەخوازراو بخاتە نێو پەیوەندییە كۆمەڵایەتییەكانی‮ ‬میللەتەكەشمانەوە كە ئەوەش زۆر كارێكی‮ ‬مەترسیدارە بۆ ئێستاو ئایندەی‮ ‬نەتەوەكەمان،‮ ‬كە ئەوەش لە بەرژەوەندی‮ ‬هیچ لایەنێكی‮ ‬دڵسۆزی‮ ‬ئەم گەلە خاوەن شەهید و خەبات و مێژووەدا نییە،‮ ‬تەنیا لە بەرژەوەندی‮ ‬دوژمنان و ناحەزاندایە،‮ ‬ئەوانەی‮ ‬هەمیشە و بەردەوام لە هەوڵی‮ ‬دوو بەرەكی‮ ‬وشێواندن و تێكدانی‮ ‬ئەزموونی‮ ‬دیموكراسی‮ ‬وئاشتی‮ ‬و ئازادی‮ ‬و ئارامی‮ ‬خەڵكی‮ ‬هەرێمی‮ ‬كوردستان دان‮. ‬بۆیە دووپاتی‮ ‬دەكەمەوە،‮ ‬بۆ ئەمڕۆی‮ ‬هەرێمی‮ ‬كوردستان،‮ ‬پێویستیمان بە سەرۆك بارزانییە كە بۆ ئەو بارە ناسك و ناهەموارەی‮ ‬ئێستای‮ ‬كوردستان،‮ ‬زۆر مان پێویستی‮ ‬پێیە‮. ‬لێرەشەوە بۆ ئەوەی‮ ‬نەتەوەكەمان نەكەوێتە ژێر هەڕەشەو گوشاری‮ ‬نەخوازراوی‮ ‬لایەن و لایەنخوازانەوە كە خۆی‮ ‬لە خۆیدا كارێكی‮ ‬قێزەونی‮ ‬زۆر مەترسیدارە،‮ ‬وەك ئەوەی‮ ‬هەندێ لایەن دوور لە مەسئولیەتی‮ ‬نەتەوەیی‮ ‬لە زەلكاوی‮ ‬شەڕەنگێزییدا مومارەسەی‮ ‬حزبییانەی‮ ‬خۆیان دەكەن،‮ ‬كە ئەوەش مەترسیدارترین فاكتەری‮ ‬لێكترازان و هەڵوەشاندنی‮ ‬ئەزمونی‮ ‬پیرۆزی‮ ‬پەرلەمان و حكومەت و لە دەستدانی‮ ‬شەرعیەتی‮ ‬هەڵبژارنی‮ ‬دیموكراسیانەی‮ ‬گەلەكەمانە،‮ ‬كە دەمانگێڕێتەوە ئەوەل جوغزی‮ ‬پاشەكشەی‮ ‬هەنگاوە جوانەكانی‮ ‬مێژووی‮ ‬شۆڕش و خەباتی‮ ‬خەڵك و خوێن و نەتەوەیی‮ ‬و پیرۆزی‮ ‬پێشمەرگایەتی‮.. ‬لەو كات و ساتە ناسكەدا پەیامی‮ ‬پیرۆزی‮ ‬جەنابی‮ ‬سەرۆك بارزانی‮ ‬لەجێی‮ ‬خۆیدا بوو چونكە ئەو پەیامە نەخشە و پلان بۆئایندەی‮ ‬وڵات دا دەنێت و،‮ ‬لە دەروازەی‮ ‬چارەسەرەوە لە قەیرانەكانی‮ ‬ئەمڕۆی‮ ‬هەرێمی‮ ‬كوردستان دەربازمان دەكات‮.‬

ئەوانەی دژایەتی سەربەخۆیی دەكەن ، لە رٍاستیدا ناحەزی كورد و پێشمەرگە و سەرۆك بارزانین ،ئەو كەس و لایەنانە هیچ شانازییەكیان نە لە رابردوو و ئێستاشدا پێنەبراوە . بۆیە گشت هەوڵەكانیان خستۆتە گەرٍ تا رێگری لەو كاروانە مێژووییە بگرن . هەر بۆیە لەسەر دەستی پێشمەرگە كورد توانی زەمینەیەكی لەبار دروست بكات بۆ چەسپاندن و دەستنیشانكردنی سنووری دەوڵەتی ئایندەی كوردستان، ئەمەش بە سووربوونی سەركردایەتی سیاسی كوردستان لەسەر مافی رەوای گەلەكەی و پاراستنی خاكەكەی، هەروەكو چۆن توانی خاكەكەی لەبەردەم دڕندەترین دەوڵەتی تیرۆریستی سەردەم بپارێزێت. ئەمڕۆ پێشمەرگە بووەتە سیمبولی بەهێزی خاوەن ئیرادەی تۆكمە و لەناوەندە جیهانییەكاندا ناوبانگی دەركردووە، بە خوێنی پیرۆزی پێشمەرگە سنووری نەخشەی دەوڵەتی كوردستان كێشراوە و ریفراندۆم و دەنگدان بە بەڵێ بۆ سەربەخۆیی دەوڵەتی كوردستان و پاڵپشتی سەرۆك بارزانی بۆ بەدەستهێنانی مافی رەوای كورد و دەربازبوون لەو هەموو قەیرانە سیاسی و ئابوورییەی رووبەڕووی گەلی كوردی مەزڵوم بووە، رێزگرتنە لە خوێنی پێشمەرگە و شەهیدانی كوردستان. سەرۆك بارزانی زۆر سەركەوتووانە توانیوێتی مافی كورد لە جیهاندا بچەسپێنێت و وەك كارەكتەرێكی سیاسی كوردستانی و نێودەوڵەتی داكۆكی لە مافی نەتەوەكەی كردووە. جێی داخە كەسانێك لەسەر خاكی كوردستان دەژین و بە زمانی كوردی قسەدەكەن، كەچی خیانەت لە زمان و خاك و نەتەوەكەیان دەكەن، بەوەی دژایەتی خواست و ویست و دەستكەوتەكانی گەلەكەیان دەكەن، من تێناگەم چۆن سیاسەتمەدار، یان كەسی یەكەمی حزبی وا هەیە كە وا بێباگانە دژی سەربەخۆیی و دەوڵەتی كوردستان قسە دەكەن، ئەوان شەرمیان لە كوڕ و كچ و خێزان و دایك و باوكی شەهید نییە، ئەو شەهیدانەی كە لە پێناو پاراستنی شەرەف و نامووسی ئەوان جوانەمەرگ بوون. یەكڕیزی و تەبایی گەورەترین چەكە بۆ رووبەڕووبوونەوەی ئەو كەسانەی كە زۆرجار نیشانەی پرسیاری خیانەتیان لەسەرە، پێویستە ئەمڕۆ كە رۆژی دڵسۆزان و نیشتمانپەروەران و خەمخۆرانی نەتەوەكەمانە، دەستی یەك بگرن لەگەڵ پارتی دیموكراتی كوردستان كە هەڵگری پرۆسەی سەربەخۆییە..

رەسەنایەتی گەلی کوردمانە لە ناوچەکە و جیهاندا، وەڵامێکیشە بۆ نەیارانی کورد کە نکووڵی لە رەسەنایەتی و شارستانیی کورد و، مێژووی دوور و درێژی پڕ لە سەروەەری و شکۆداریمان دەکەن .
ئەگەر بە پێوەر و بنەما سەرەکییەکانی ئەمڕۆ گەل پێناسە بکرێت و بەگەل بناسرێت .. بێگومان هەموو مەرج و بنەماکانی گەل لە گەلی کوردماندا هەن کە ئەمانەن :
١ـ ئێمەی کورد خاوەنی جوگرافیایەکی هاوبەشین کە کوردستان نیشتمانی هەموومانە. گەرچی بە زۆرداری و ناڕەوا دابەش کراوە .. بەڵام ئێمەی کورد هەرگیز دان بەو دابەشکردنەدا نانێین و، هیچ سنوورێک لە بەردەم هەستی نەتەوایەتیماندا بوونی نییە .
٢ـ زمانێکی یەکگرتووی هاوبەشمان هەیە کە زمانی کوردیی رەسەن و دەوڵەمەندە .
٣ـ مێژوویەکی دێرین و درێژی پڕ لە سەروەری و شکۆداریی هاوبەشمان هەیە .
٤ـ بەرژەوەندییەکی ئابووری هاوبەشمان هەیە .
٥ ـ خاوەنی تایبەتمەندی و خەسڵەتی نەتەوەیی خۆمانین و داب و نەریتی خۆمان هەیە.
٧ـ هاوبەستەبوونمان بۆ کورد و کوردستان هەیە و شانازی بە نەتەوەکەمانەوە دەکەین.
٨ ـ خاوەنی هیوا و ئامانجێکی هاوبەشین و، چارەنووسمان پێکەوە گرێ دراوە .
٩ـ لە رووی سیاسی و کۆمەڵایەتی و رۆشنبیریشەوە، لە ئاستێکی پێویست داین .
١٠ـ چەندین پارت و رێکخراومان هەیە و .. هێزی بەرگریمان هەیە کە پێشمەرگەیە .واتە ئێمەی کورد، هەموو خەسڵەت و مەرج و تایبەتمەندی و بنەماکانی گەلمان تێدایە . ئەمانەش پێویستن بۆ هەر کۆمەڵێک کە بە گەل بزانێت و، مافی چارەی خۆنووسین و دەوڵەتی سەربەخۆی هەبێت ..بۆیە نابێت چیتر كات بە فیرۆ بدەین و قەیران و سیناریۆكان سەرقاڵ مان بكەن لە بریاردان بەرەو سەربەخۆیی. با ئیتر ئامانجی سەرەكیمان خزمەتكردنی رٍاستەقینەی خەڵك و بەدیهێنانی ئاواتی لەمێژینەمان بێت .