باژێرێ سلیمانیێ ئەو باژێرێ ب شارى هەلمەت وقوربانى وباژێرێ شێخ مەحمودێ نەمر دهێتە نیاسین، د ئەڤى باژێریدا تەڤگەرەکا ئینتیکە کونەهەلگرا چ رێنما ورێبازێن کوردایەتیێ سەرهلدایە وناڤ ل خۆدانایە تەڤگەرا گوران، ب ڕاستى ئەڤ بزاڤە هاتیەپێکئینان داکوگورانکاریێن مەزن ئەنجام بدەت د ئەڤى باژێریدا، پرانیا خەلکى وەسان هرز دکر گورانکاریێن تەڤگەرا گوران دێ د بەرژەوەندا نەتەوا کورد دا بن وهەمى ئەوکێشێن ب هەرێماکوردستانێ ڤەد گرێدایى ودگەل بەغدا نەهاتینە جهبجهکرن ئەڤ تەڤگەرە دێ بیتە هاندەرەکێ بهێز داکو بهێنە جهبجهکرن، لێ هزرا هەمیان یا خرش وخاڤبوو، وێ تەڤگەرێ ب هەمى شیانێن خۆ کار کر داکوپلان وبەرنامێن ئاغایێن خۆە بجه بینیت یێن ژلایێ وانڤە هاتینە دارێژتن دژى هەبون وراگەهاندنا دەولەتا کوردستانى، وئەوا ئاغایێن وان نەشیان ب رێکا هێز وبرینا موچەى بکەن ئەو تەڤگەر بکەت، ڤێ تەڤگەرێ ئەو باردانا سەر ملێن خۆ، چونکە پرانیا سەرکردە وئەندامێن ئەڤێ تەڤگەرێ ل سەر پرسەک وبەرنامەکى هاتینە پەروەردە کرن کو دژایەتی کرنا کوردانە، هەر بۆنمونە، ل دەمێ کەسیک هاتیە هەلبژاردن بۆپارێزگارێ شارێ هەلمەت وقوربانى، بێى ل بەر چاڤ گرتنا رابوریێ وى کەسى کو ل دەمێ خودا ژ رویێ هەستا نەتەوەیى ڤە گەلەک ژ ئاغایێن خۆە نەتەوەپەرستربوو، ود هەلبەست ونڤێسینێن خۆەدا یێن د رۆژناما هاوکارى دا بەلاڤ کرین دەربرین ژ هەستێن خۆەیێن راستەقینە بۆدکتاتورێ چەرخێ بیستێ ێەدام حسێنى دکرن، بێى ل بەرچاڤ گرتنا کیمیا بارانا هەلبچە وئەنفالێن رەش وخرابکرنا گوندێن کوردستانێ ل سەردەستێ دکتاتورى وئەڤى کەسى ب خامەیێ خۆە پەیڤ رێز دکرن ب بەژن وبالا وى دکتاتورى دگوتن، و ژلایێ تەڤگەرا گوران ڤە هاتیە هەلبژاردن ببیتە پارێزگارێ سلێمانیێ هەر ئەڤە بو سەدەم کو تا نوکەیا بێ پارێزگار بیت.
تەڤگەرا گوران هاتە دناڤ حکومەتێدا وسوز وپەیمانێن چوار سال ئارامى و تەناهى دانە خەلکى، لێ بتنێ ئەڤە پروپاکندا هەلبژاردنان بوو، وهەر زوومەرەما وان ئاشکرا بوو و رابون ب دورست کرنا کێشەیان د ناڤ حکومەتێدا، و ئێکەم پێنگاڤا وان هاڤێژتى دانانا یوسف محەمەدێ بۆسەرۆکێ پەرلەمانى بوو، ناڤبرىب بیرو باوەرێن ئیسلامى هاتبوو پەروەردە کرن و بو نوینەرێ بزاڤەکا جیهانگیرى(علمانى)، دڤێت یێ چاوابیت؟!، وان ئەڤ کەسە هەلبژارد داکو بشێن ب کەیفا خۆ پلان ونەخشێن خۆە پێ جهبجه بکەن و وەکو کوستیلەکێ بیت د تبلا واندا و چاوان بڤێت ب وى رەنگى بزڤرینن داکو بەرنامێن خۆەیێن دارێژتى پێ برێڤە ببەن، وئێکەم پیلان پەکخستنا مەزنترین دەزگەهێ یاسادانانێ بوو د هەرێما کوردستانێدا، و هاندانا خەلکى بۆخوپیشاندانا وکش کرنا سنێلەیان بۆسوتاندنا بارەگا ودام ودەزگەهان، وگەلەک کارێن دیتر.
یا جهێ حێبەتیێ ئەوە لدەمێ دورستکرنا ئاریشە وکێشەیان، سەرۆکێ وێ تەڤگەرێ باژێرێ ژیانێ ب جه دهێلیت وب مەبەستا چارەسەریێ بەرەڤ دەرڤەى وەلاتى دچیت ول دەرڤەى وولاتى سەرپەرشتیا کومبونا جڤاتا تەڤگەرێ دکەت، دناڤ ئاخا وولاتەکێ مەزنرا کو گوپیتکا دیموکراسیەتێ تێدا هەیە ود ئەوێ کومبونێدا کەسەک رادبیت وهاندانا خەلکى ددەت ژ بۆ کوشتن و ژناڤ برنا خەلکى ل کوردستانێ و ژلایێ جڤاتێ و سەروکێ تەڤگەرێ ڤە ب دەست قوتان ڤە پێشوازى لێ دهێتە کرن!!.
پیلانا وان تیرورێ ژى ئاشکرابووو سەرنەگرت، نوکە نێزیکە ، ژ ئەگەرێ مانگرتنا ماموستایان ل باژێرێ خوشتڤى مەزنترین خیانەت دێ ل زاروکێن وىباژێرى هێتە کرن وبزاڤ د هێتە دان کوئەڤ سالە خواندنا وان ژ دەست بچیت، ل سەرەڕاى ئەڤان کاران هەمیان چ رێک نەمان نەگرتینە بەر ژ بۆ دژایەتی کرنا کوردستانێ، دەست ب پیلانەکا گەلەک ترسناک کر، ئەو ژى جوداکرنا باژێرێ هەلمەت و قوربانى ژ هەرێماکوردستانێ و ڤەگەراندنا وى باژێرى بۆ بن دەستێ حکومەتا عێراقێ، بۆ بن دەستێ عێراقەکا وێران وخرابوى بۆهەمبێزا ئاغایێن خۆە، پێنەڤیت ئەڤەژى ئێک ژ نەخشێن وانێن دارێژتى بوو و بتنێ داخا دلێ وان نەمانا گەلێ کوردە وهەر رێکەکا هەبیت دێ بکارئینن، چ ب رێکا خۆپیشاندانێن ماموستایان بیت یان سنێلەیان یان ڤەگەریانا هەمبێزا بەغدا بیت ..تاد، و ئەڤە هەمى ل سەر حسابا خەلکێ ڤێ هەرێمێ دهێتە کرن ئەو ل سەر حسابا ئەڤێ هەرێمێ بوینە خودان دەستهەلات، ئەوگەلەک ب راشکاوانە بەحسێ پلانێن بنڤە بنڤە یێن ترسناک دکەن کو دێ ل سەرڤى باژێرێ خوراگر هێنە سەپاندن، هاندانا خەلکى کو باژێرى بدەنە دەست بەغدا، وڤەگەریان بۆ هەمبێزا بەغدا وئاغایێن خۆە نەخشە وپلانەکا ڤەشارتیا ڤێ تەڤگەرێ بوو نها ل سەر دەستى ئارام شیخ محمد جیگرى سەروکى پارلەمانا عیراقى کو سەربێ وى تەڤگەرییە ئاشکرا دەبیت .
ژ بەرهندێ نوکە دبێژم کانێ باژێرێ هەلمەت وقوربانى، کانى خوراگرى و رەوشەنبیرى، کانێ خودان خامەیێن بهێز وخودان ویژدان، کانێ بوچى هەلمەتەکا ڤەکرى دەست پێناکەن دژى بەرنامە ونەخشە و پلانێن دوژمنکارانەیێن ئەڤێ تەڤگەرێ و هەرکەسێ بزاڤێ بکەت دژى نەتەواخۆ پیلانا دارێژیت، کانێ ئەو خەلکێ سلێمانیێ یێن دهەمى شورەش وبەرخوداناندا رولەکێ بەرچاڤ هەى و بەشداریەکا کارا تێداکرى ورێک نەدایى ولاتێ وان بهێتە فرۆتن، ئەڤرو چاوان دێ رازى بن جارەکا دیتر ڤەگەرن بۆ سەردەمێن زڤرونەخوش، وسەردەمێن جاشاتیێ وخۆفروشیێ نوى کەنەڤە، وئەگەرخەلکێ سلێمانیێ خەلکەکێ دلسوز وەفادار ونیشتمانپەروەر و خودان شەهید وپێشمەرگەهێ قارەماننیێن نوکە ل سینگێ سەنگەراندا ل دژى داگیرکەران دچەنگن، و هەوە چ بەرسف نەبیت و دژى بەرنامێن خیانەتکاریێ هوین نەراوستن، د بێژمە هەوە هەوە پیروز بیت تەڤگەرا گوران یا کو وان دڤێت خەبات وبەرخودانا هەوە ودەولەت بونا کوردستانەکا سەربخۆ بگورن و هەوە بزڤرینن بۆسەردەمێن بن دەستیێ وسێدارەدان و زیندان و ئەشکەندەدانێ بۆ سەردەمێ جاشاتیێ و خۆفروشیێ هەوە سەد جاران پیرۆز بیت ئەو تەڤگەرە.