باژێرێ سلیمانیێ ئەو باژێرێ ب شاری ھەلمەت وقوربانی وباژێرێ شێخ مەحمودێ نەمر دھێتە نیاسین، د ئەڤی باژێریدا تەڤگەرەکا ئینتیکە کونەھەلگرا چ رێنما ورێبازێن کوردایەتیێ سەرھلدایە وناڤ ل خۆدانایە تەڤگەرا گوران، ب ڕاستی ئەڤ بزاڤە ھاتیەپێکئینان داکوگورانکاریێن مەزن ئەنجام بدەت د ئەڤی باژێریدا، پرانیا خەلکی وەسان ھرز دکر گورانکاریێن تەڤگەرا گوران دێ د بەرژەوەندا نەتەوا کورد دا بن وھەمی ئەوکێشێن ب ھەرێماکوردستانێ ڤەد گرێدایی ودگەل بەغدا نەھاتینە جھبجھکرن ئەڤ تەڤگەرە دێ بیتە ھاندەرەکێ بھێز داکو بھێنە جھبجھکرن، لێ ھزرا ھەمیان یا خرش وخاڤبوو, وێ تەڤگەرێ ب ھەمی شیانێن خۆ کار کر داکوپلان وبەرنامێن ئاغایێن خۆە بجە بینیت یێن ژلایێ وانڤە ھاتینە دارێژتن دژی ھەبون وراگەھاندنا دەولەتا کوردستانی، وئەوا ئاغایێن وان نەشیان ب رێکا ھێز وبرینا موچەی بکەن ئەو تەڤگەر بکەت, ڤێ تەڤگەرێ ئەو باردانا سەر ملێن خۆ، چونکە پرانیا سەرکردە وئەندامێن ئەڤێ تەڤگەرێ ل سەر پرسەک وبەرنامەکی ھاتینە پەروەردە کرن کو دژایەتی کرنا کوردانە, ھەر بۆنمونە، ل دەمێ کەسیک ھاتیە ھەلبژاردن بۆپارێزگارێ شارێ ھەلمەت وقوربانی، بێی ل بەر چاڤ گرتنا رابوریێ وی کەسی کو ل دەمێ خودا ژ رویێ ھەستا نەتەوەیی ڤە گەلەک ژ ئاغایێن خۆە نەتەوەپەرستربوو، ود ھەلبەست ونڤێسینێن خۆەدا یێن د رۆژناما ھاوکاری دا بەلاڤ کرین دەربرین ژ ھەستێن خۆەیێن راستەقینە بۆدکتاتورێ چەرخێ بیستێ ێەدام حسێنی دکرن, بێی ل بەرچاڤ گرتنا کیمیا بارانا ھەلبچە وئەنفالێن رەش وخرابکرنا گوندێن کوردستانێ ل سەردەستێ دکتاتوری وئەڤی کەسی ب خامەیێ خۆە پەیڤ رێز دکرن ب بەژن وبالا وی دکتاتوری دگوتن, و ژلایێ تەڤگەرا گوران ڤە ھاتیە ھەلبژاردن ببیتە پارێزگارێ سلێمانیێ ھەر ئەڤە بو سەدەم کو تا نوکەیا بێ پارێزگار بیت.
تەڤگەرا گوران ھاتە دناڤ حکومەتێدا وسوز وپەیمانێن چوار سال ئارامی و تەناھی دانە خەلکی, لێ بتنێ ئەڤە پروپاکندا ھەلبژاردنان بوو، وھەر زوومەرەما وان ئاشکرا بوو و رابون ب دورست کرنا کێشەیان د ناڤ حکومەتێدا, و ئێکەم پێنگاڤا وان ھاڤێژتی دانانا یوسف محەمەدێ بۆسەرۆکێ پەرلەمانی بوو، ناڤبریب بیرو باوەرێن ئیسلامی ھاتبوو پەروەردە کرن و بو نوینەرێ بزاڤەکا جیھانگیری(علمانی), دڤێت یێ چاوابیت؟!, وان ئەڤ کەسە ھەلبژارد داکو بشێن ب کەیفا خۆ پلان ونەخشێن خۆە پێ جھبجە بکەن و وەکو کوستیلەکێ بیت د تبلا واندا و چاوان بڤێت ب وی رەنگی بزڤرینن داکو بەرنامێن خۆەیێن دارێژتی پێ برێڤە ببەن، وئێکەم پیلان پەکخستنا مەزنترین دەزگەھێ یاسادانانێ بوو د ھەرێما کوردستانێدا, و ھاندانا خەلکی بۆخوپیشاندانا وکش کرنا سنێلەیان بۆسوتاندنا بارەگا ودام ودەزگەھان، وگەلەک کارێن دیتر.
یا جھێ حێبەتیێ ئەوە لدەمێ دورستکرنا ئاریشە وکێشەیان, سەرۆکێ وێ تەڤگەرێ باژێرێ ژیانێ ب جە دھێلیت وب مەبەستا چارەسەریێ بەرەڤ دەرڤەی وەلاتی دچیت ول دەرڤەی وولاتی سەرپەرشتیا کومبونا جڤاتا تەڤگەرێ دکەت, دناڤ ئاخا وولاتەکێ مەزنرا کو گوپیتکا دیموکراسیەتێ تێدا ھەیە ود ئەوێ کومبونێدا کەسەک رادبیت وھاندانا خەلکی ددەت ژ بۆ کوشتن و ژناڤ برنا خەلکی ل کوردستانێ و ژلایێ جڤاتێ و سەروکێ تەڤگەرێ ڤە ب دەست قوتان ڤە پێشوازی لێ دھێتە کرن!!.
پیلانا وان تیرورێ ژی ئاشکرابووو سەرنەگرت, نوکە نێزیکە ، ژ ئەگەرێ مانگرتنا ماموستایان ل باژێرێ خوشتڤی مەزنترین خیانەت دێ ل زاروکێن ویباژێری ھێتە کرن وبزاڤ د ھێتە دان کوئەڤ سالە خواندنا وان ژ دەست بچیت، ل سەرەڕای ئەڤان کاران ھەمیان چ رێک نەمان نەگرتینە بەر ژ بۆ دژایەتی کرنا کوردستانێ، دەست ب پیلانەکا گەلەک ترسناک کر، ئەو ژی جوداکرنا باژێرێ ھەلمەت و قوربانی ژ ھەرێماکوردستانێ و ڤەگەراندنا وی باژێری بۆ بن دەستێ حکومەتا عێراقێ, بۆ بن دەستێ عێراقەکا وێران وخرابوی بۆھەمبێزا ئاغایێن خۆە، پێنەڤیت ئەڤەژی ئێک ژ نەخشێن وانێن دارێژتی بوو و بتنێ داخا دلێ وان نەمانا گەلێ کوردە وھەر رێکەکا ھەبیت دێ بکارئینن، چ ب رێکا خۆپیشاندانێن ماموستایان بیت یان سنێلەیان یان ڤەگەریانا ھەمبێزا بەغدا بیت ..تاد، و ئەڤە ھەمی ل سەر حسابا خەلکێ ڤێ ھەرێمێ دھێتە کرن ئەو ل سەر حسابا ئەڤێ ھەرێمێ بوینە خودان دەستھەلات, ئەوگەلەک ب راشکاوانە بەحسێ پلانێن بنڤە بنڤە یێن ترسناک دکەن کو دێ ل سەرڤی باژێرێ خوراگر ھێنە سەپاندن, ھاندانا خەلکی کو باژێری بدەنە دەست بەغدا, وڤەگەریان بۆ ھەمبێزا بەغدا وئاغایێن خۆە نەخشە وپلانەکا ڤەشارتیا ڤێ تەڤگەرێ بوو نھا ل سەر دەستی ئارام شیخ محمد جیگری سەروکی پارلەمانا عیراقی کو سەربێ وی تەڤگەرییە ئاشکرا دەبیت .
ژ بەرھندێ نوکە دبێژم کانێ باژێرێ ھەلمەت وقوربانی، کانی خوراگری و رەوشەنبیری، کانێ خودان خامەیێن بھێز وخودان ویژدان، کانێ بوچی ھەلمەتەکا ڤەکری دەست پێناکەن دژی بەرنامە ونەخشە و پلانێن دوژمنکارانەیێن ئەڤێ تەڤگەرێ و ھەرکەسێ بزاڤێ بکەت دژی نەتەواخۆ پیلانا دارێژیت، کانێ ئەو خەلکێ سلێمانیێ یێن دھەمی شورەش وبەرخوداناندا رولەکێ بەرچاڤ ھەی و بەشداریەکا کارا تێداکری ورێک نەدایی ولاتێ وان بھێتە فرۆتن, ئەڤرو چاوان دێ رازی بن جارەکا دیتر ڤەگەرن بۆ سەردەمێن زڤرونەخوش, وسەردەمێن جاشاتیێ وخۆفروشیێ نوی کەنەڤە, وئەگەرخەلکێ سلێمانیێ خەلکەکێ دلسوز وەفادار ونیشتمانپەروەر و خودان شەھید وپێشمەرگەھێ قارەماننیێن نوکە ل سینگێ سەنگەراندا ل دژی داگیرکەران دچەنگن, و ھەوە چ بەرسف نەبیت و دژی بەرنامێن خیانەتکاریێ ھوین نەراوستن, د بێژمە ھەوە ھەوە پیروز بیت تەڤگەرا گوران یا کو وان دڤێت خەبات وبەرخودانا ھەوە ودەولەت بونا کوردستانەکا سەربخۆ بگورن و ھەوە بزڤرینن بۆسەردەمێن بن دەستیێ وسێدارەدان و زیندان و ئەشکەندەدانێ بۆ سەردەمێ جاشاتیێ و خۆفروشیێ ھەوە سەد جاران پیرۆز بیت ئەو تەڤگەرە.