دوای ئەوەی دۆخی ناوەخۆی هەرێم بە ترۆپكی تێكچون‌و خرابوون گەیشت, تروسكای هیوای چارەسەری لە لایەن بزوتنەوەی گۆڕان كپ كرا, هاوكات لە ژێر ناوی هاوپەیمانیەتێك یەكێـتی پەلكێشی نێو هەولەكانی خۆی كرد بۆ داخستنی دەرچەی چارەسەری ئەو دۆخە نەخوازراوەی كە هەیە, بێگومان هاتنە بن باری بڕیارەكانی گۆڕان لە لایەن یەكێتی لەبەرامبەر هاوكاریەكانی گۆڕانە بۆ ئەو گروپە دەسترۆیشتووەی یەكێتی تا بە تەواوێتی دەست بەسەر یە كێـتی دابگرن, هەلبەتە لە رابردوودا بینیمان كە گۆڕان ئەگەر لە رووكەشەوە هاوكاری ئەو باڵە بێت, بە ڵام لە ژێرەوە تا بەر لە راگەیاندنی ناوەندی بڕیار بەردەوام بوو لە هەولەكانی بۆ كەوڵكردنی پیستی یەكێـتی لە سلێمانی.

جگە لەوە لە سەر ئاستی ناوەخۆیی ئەو حزبە دەنگە ماندووەكانی نێو یەكێتی لەبەرامبەر گروپێكی توندئاژۆیی بنەمالەیی‌و بەجۆرێك بێ‌ بەهاكرابوون كە تەنانەت لەو سەرو بەندی ئالۆزی ناوچەكە‌و گۆڕانكاریەكانی هەرێم هیچ كامێك لەو دەنگانە نەدەبیستران, ئەوان هێندەی وەك كۆمەلێك ئەندامی سەركردایەتی و مەكتەبی سیاسی خانەنیشین كراو مامەلەیان لەگەڵ دەكرا وەك دامەزرێنەر‌و ماندوانی نێو مێژووی یەكێـتی حساب بۆكراو نەبوون, كە ئەمەش دەكرێت وەك هەولی كودەتایەك بزانرێـت بەسەر ئەم سەركردانەی نێو یەكێـتی, راگەیاندنی ناوەندی بڕیاری یەكێـتی لەگەڵ ئەوەی سنوری پاوانخوازی ئەو گروپەی نێو یەكێـتی بەرتەسك دەكاتەوە, دەكرێت وەك خالی كۆتایی تەمەنی رێككەوتنەكەی نێوان بزووتنەوەی گۆڕان‌و یەكێتی چاوی لێبكرێت, چونكە هەموو ئەو بڕیارانەی لە ژێر سێبەری ئەو هاوپەیمانیەتە دراون بە دڵی ناوەندی بڕیاری یەكێـتی نەبوونە.

یاد سرێشمەیی