ئەڤى بابەتى دێ ب کورتە چیڕۆکەکا کورت وپرى سەربور دەست پێکەین، دبێژن، (حاجى لەگلەگەک) ل گوندەکێ مەسیحیان هێلینا خۆە ل سەر بورجێ ناقوسا دێرێ چێکر بوو، وببو ئەگەرێ پیسکرنا حەوشا دێرێ وبورجى، خەلکێ گوندى گەلەک ژێ بێزار ببوو،چەندین جاران بزاڤا دەرئێخستنا وى دهاتەکرن، بەلێ یا بێ سود بوو، مەزنێ گوندى داخواز ژ زانایێن گوندى کر چارەکێ بۆ لەگلەگەى ببینن، ئێکێ ژوان گۆت، ئەڤە یا بساناهیە، کێڤریشکەکێ بینن ودێ (شەرابێ)کەینە دناڤ گوشتێ وێ ودانینە دهێلینا لەگلەگەیدا ودێ گوشتى خوت و ئاگەه ژخو نامینیت ودێ گرین، ئەو کریار ئەنجام دا ولەگلەگە گرت،ئێکى دەستێ خۆە هاڤێتە ستویێ لەگلەگەى وهژاند وگوت، لەگلەگە، ئەگەر تو ل سەر ئاینێ موسا پێغمبەرى بایە، تە چ جار گوشتێ کێڤریشکێ نەدخوار.
ئەگەر تو ل سەر ئاینێ عیسا پێغمبەرى بایە،تە چ جار ناقوس وبورج وحەوشا دێرێ پیس نەدکر.
ئەگەر تو ل سەر ئاینێ محەمەد پێغمبەرى بایە، تە چ جارا (شەراب) نەڤەدخوار. بڤى رەنگێ حاجى لەگلەگە کوشت.
ئەم خەلکێ کوردستانێ پێکهاتینە ژ گەلەک ئاین ونەتەوان وئەم هەمى لاینگرێن پارتێن سیاسىنە، بلا ئەم پەندێ ژ ئەڤێ چیڕۆکێ وەرگرین
ئەگەر ئەم کوردستانی بین،ئەم هەمى پێکڤە ب هەمى نەتەوە ئاینان ڤە دێ دەستێن خۆە کەینە دناڤ ئێکدا، چونکە نوکە باشترین دەلیڤەیە بۆ ریفراندوم وڤەگەراندنا دەڤەرێن ناکوکى ل سەر یێن دەرڤەى سنورێ هەرێما کوردستانێ کو دبێژنێ مادێ 140، ودێ جه بجهکەین، چونکە حکومەتا عێراقێ خۆە ڤەدزیت ژ جهبجهکرنا ئەڤى مادەیى.
نوکە وپشتى هاتنا داعشێ وداگیرکرنا گەلەک باژێر وگوند ودەڤەرانودوبارە رزگار کرنا وان دەڤەران ژلایێ هێزا پێشمەرگەى ڤە وب قارەمانی وهێزا پیلایا پێشمەرگەى و بەخشینا خوینەکا زور وشەهیدبونا سەدان پێشمەرگان ل سەر ڤەگەراندنا وان دەڤەران بۆ هەمبێزا وولاتى هەر بخۆ ئەو مادە هاتە جهبجهکرن، ئەم هەمى دزانین ئەو دەڤەرێن کوردستانى ب زور ژ کوردستانێ هاتبونە دابراندن ونوکە ل سەر دەستێ پێشمەرگەى هاتنەرزگارکرن.
ئەڤە باشترین دەرفەتە بۆ ئەنجامدانا ریفراندومێ، وپشتى برێڤەچوونا پروسێسا ریفراندومێ بزاڤ بهێتە دان بۆ دورستکرنا دەولەتەکا کوردى کو مافێ هەمى پێکهاتە وئاینان تێدا یێ پاراستى بیت.
ئەگەر ئەم هەمى خەلکێ ئەڤى وولاتینە ونیشتیمان پەروەرین ومە خەبات کربیت و گەلەک شەهید مە دابن ژ پێخەمەت گەهشتن بۆ سەربەخویا کوردستانێ، بلا خوینا شەهیدان ژبیر نەکەین و ب هەروە نەچیت، نوکە ژبەر چەند ئەگەران دەمەکێ باش وگونجایە بۆ راگەهاندنا سەربەخویێ،چونکە تێکچونا بارودوخێ عێراقێ و هاتنا داعشێ و داگیر کرنا چەندین دەڤەرێن عێراقێ و خراب بونا بارودوخێ سیاسى دناڤبەرا سنە و شیعەیاندا وشەر ونەخوشیێن ل عێراقێ، دیسان وولاتێ سوریایێ ژى ب خۆە ڤە مژویلە وکەفتینە دناڤ شەرەکێ خویناویدا و نێزیکە دێ بیتە وێرانکارى، ول سەر هندێرا بەحسێ دابەشکرنا سوریایێ ل سەر مێزێن وولاتێن جیهانێ یێن زل هێز دهێتە کرن، دیسان دەولەتا تورکیا ژ بەر ئەگەرێ کودەتایێ یا بخوڤە مژویلە ونەدویرە کاودان ل وێرێ ژى خراب تر لێ بهێن ، هەر وەسان ولاتێ ئیرانێ ژى ژئەگەرێ بەرنامێ خۆە یێ ئەتومى وبەرەبەرە بارودوخێ وێ یىِ نافخوى یێ تێک دچیت، وژبیر نەکەین رێکەفتن ناما سایکس پیکو ژى ب دوماهى هاتیە، واتە هەر ئێک ب خۆە ڤە یێ مژویلە، ژلایەکێ دویڤە ئەو قارەمانى و زیرەکى وناڤ ودەنگیا پێشمەرگەى وگەلێ کورد پەیداکرى ل هەمى جیهانێ دەنگ دایە کو شیایینە بەرسینگێ درندەترین هێزا تیرورستى کو داعشە ب گرن وب راوستیت،ئەڤە هەمى هاریکار وزەمینە خوشکرنە بۆ راگەهاندنا دەولەتا کوردى.
ئەگەر ئەم کوردین و ئەم هەمى دلسوز و خەمخورێن ئەڤى ولاتینە، دڤێت جاشاتیێ و دویڤەلانکیێ وپیلانگێریێ بهێلین و ل شوینا پەیمان بەستنا دگەل نەیارێن خۆە ، دەستێ براینێ و ئێک رێزیێ بۆ ئێکو دوو درێژ بکەین وچارەسەریا هەمى گیروگرفتێن خۆە یێن هەلاویستى بکەین وکەرب وکینێ بدەینە لایەکى و وەکو برا پێکڤە کار بکەین و دوستایەتیێ دگەل دۆژمنان نەبەستین وپێشوازیێ ل نانبرێن خۆە نەکەین.
بەسە بلا زێدەتر ئەڤى وولاتى پیس نەکەین، چونکە گەلێ کورد ژمێژەیە بزاڤ و خەباتێ دکەت و ئەگەر ب دیروکا گەلێ کوردا بچینە خوارێ دێ بینین دوو بەرەکى و خیانەت دناڤبەرا واندا هەبویە و هندەک کەس بوینە ئەگەرێ ژ ناڤچون و نەگەهشتنا ئارمانجان، دڤێت ئەم هەمى پێکڤە کار بکەین بو رزگارکرن و بجه گەهاندنا ئارمانجێن نەتەوەیى یێن ئەڤە چەندین سالە ئەم خەونان پێڤە دبینین، دامەرزاندنا کیانەکێ سیاسى و دەولەتەکا کوردستانی هیڤیا مە هەمیانە، دڤێت ئەم هەمى ل دویڤ بانگەوازا سەرۆکێ هەرێما کوردستانێ بەرێز ( مەسعود بارزانى ) بچین وبریارا چارەنوساز بدەین و بزاڤا دورستکرنا دەولەتا کوردستانى بدەین، ئەگەر نە دى دەلیڤێ ژ دەست دەین، چونکە دوژمنێن مە دبوسێدانە بۆ مە ژبۆ نەهێلان وژناڤبرنا هەر دەلیڤەکێ ، پێویستە گەلێ کورد د هوشیار بیت پێکڤە ستویێ خیانتکار و خوفروشان بگرن نەهێلن کوردستانێ پیس بکەن داکو دوژمن ستویێ مە نەگرێت مە وەکو وى لەگلەگێ دچێروکێدا هاتى مە بهژینن و بکوژن.
ربما تحتوي الصورة على: شخص واحد