ئەو ڕقە کوێرانەیەی بەرانبەر جامانەی سوور و ڕێبازی بارزانی هەیانە، گەورەترین هۆکارە بۆ مانەوە و گەشەکردنی ڕێبازەکە. دوێنێ یادی ئەنفالی بارزانییەکان بوو، دەبوایە لەگەڵ ئاڵای کوردستان، جامانەیەکی سووری خوێناویی ئەنفالکراوان ماچ بکەن، نەک بیکەنە نیشانە بۆ ئەو ڕقە میراتییەی لە باوکیانەوە بۆیان ماوەتەوە. ببینن، دوژمنانی دوێنێ و ئەمڕۆی ڕێبازی بارزانی و جامانەی سوور، لە چاڵی شکست و سەرلێشێواوی و شەرمەزاریدان و پێڕەوانی ڕێبازی بارزانییش لە سەر لوتکەی پێشکەوتن و سەرفرازی وەستاون. هۆیەکەشی سێ بنەما پڕشنگدارەکەی ڕێبازەکەمانە.
ئەگەر نەتانزانیوە، بیزانن: بنەمای ڕێبازی بارزانی ئەم سێ خاڵەیە:
1- دین بریتییە لە ئەخلاق.
2- ژیان لەژێر زوڵم و بندەستیدا، مردنە.
3- مردن لە پێناو ئازادیدا، ژیانی ڕاستەقینەیە.