دلەراوکێ ئانکو نیگەرانی ئێک ژ نەخوشیێن دەروونی یە کۆ تێدا تاکەکەس د ھندەک ھزرو رەفتارێن نەخوش را دبوریتن وەکو ترس بەرامبەر پاشەرۆژێ و تێکچۆنا کاری و باوەری بخو نەبوون و ھەتا کۆ باوەری بکەسێ بەرامبەر ژی نامینیتن و ھەروەسا نیشانێن فسیۆلۆژی ژی پەیدا دبن وەکی ئاریشێن خارنێ و نڤستنێ و ھەروەسا ئاریشێن کومەلایەتی ژی وەکی ئاریشێن تاکەکەسی دگەل ژینگەھا تێدا دژیتن, ھندەک فاکتەر ھەنە دبنە ئەگەرێ نەخوشیا دلەراوکێ وەک فاکتەرێ بایۆلۆژی و بوماوەیی و فاکتەرێ ھەرەگرنگ ژی فاکتەرێ ژینگەھێ یە کۆ د بازنەیا پێگەھاندنا جڤاکی دا فاکتەرەک ھەیە بیژنێ فاکتەرێ سیاسی کۆ کارتیکرنا خو ل دەروون و رەفتار و پێگەھاندنا مرۆڤی دکەتن. ژبەر ڤێ چەندێ ئەگەر ئەم ب ووردی و تەکەز لێنێرینەکێ ل سەر سەرەدانا حزبا دەولەتا یاسا ب سەروکاتیا نوری مالکی بۆ باژێرێ سلێمانیێ بکەین و کۆمبوون دگەل لایەنێن یەکەتی و گوران! چ واتایێ دگەھینت؟ ئێک: ئەرێ ئەڤ سەرەدانە دێ بیتە ئەگەرێ کارتیکرنەک نەرێنی لسەر دەروون و رەفتارێن کوردستانیان؟ بێگومان بەلێ, چونکی بەردەاوام ھیڤی و ئومێدێن خەلکێ کوردستانێ خۆ ئامادەکرنە بو ڕاگەھاندنا دەولەتا کوردستانێ لێ ئەف چەندا حزبا یەکەتی و گوران دکەتن نە مەنتقی یە و نا گۆنجیتن دگەل وەزعێ نوکە یێ ھەرێما کوردستانێ چونکی د دیروکێ دا چ جاران ڤان لایەنێن سیاسی یێن عێراقێ پشتەڤانیا سەربەخووبوون و ھەبوونا دەولەتا کوردستانێ نەکرە لێ خوشبەختانە ب ھەبوونا و دەستپێشخەریێن سەرۆک بارزانی نوکە فاکتەرێن دەرەکی گونجاینە بۆ ڕاگەھاندنا دەولەتا کوردستانێ و تنێ دمینیتن فاکتەرێ نافخویێ ھەرێما کوردستانێ کۆ ڕێکخستنا ناف مالا کوردی یە و بەردەام سەروک بارزانی تەکەز لسەر ڤێ خالێ کریە و دبێژیت (بلا دەولەتا کوردستانێ چێبیتن حەسکی بلا لسەر دەستێ زارۆکەکێ بیتن). ژبەر ڤێ چەندێ ئەڤ سەرەدانا نوری مالکی بۆ سلێمانیێ ژبلی تێکدانا ناف مالا کوردی ھیچ واتایەک دیتر نینە! ئەڤە ژی وێ چەندێ دگەھینیتن کو یەکەتی و گوران بەرژەوەنیێن خۆ یێن حزبی و تاکەکەسی لپێش بەرژەوەندیێن کوردستانێ دەینن ئەفەژی مەترسیە لسەر دەروون و ئاسایشا دەروونی یا کوردستانیان چونکی ھەر گاڤا فاکتەرێ ئاسایشا دەروونی مەترسی لسەر بوو راستەخو دێ ڕێژەیا بەلاڤبوونا دلەراوکێ ناف خەلکێ دا بەرز بیتن. دوو: ئەگەر ئەم پسیارەک دیتر ژ خۆ بکەین ئەرێ ئەڤ سەرەدانا مالکی بو سلێمانیێ دێ بیتە ئەگەرێ چارەسەریا قەیرانا دارایی ل ھەریما کوردستانێ؟ بێگومان نەخێر! چونکی مە ل کوردستانێ حکومەت ھەیە و سەروکاتیا حکومەتێ دشێتن بریاران لسەر قەیرانێن دارایی بدەتن و ھەروەسا گەندەلی و قەیران ل ناف حزبێن عێراقی بخودا ھەیە مینا حزبا دەولەتا یاسا. سێ: ئەرێ ئەڤ سەرەدانە دێ کارتیکرنەک نەرێنی لسەر مۆرالا پێشمەرگەی کەتن؟ بێگومان بەلێ! چونکی پێشمەرگەی ژی دەروون ھەیە وەکێ ھەر تاکەکەسەکێ و ب شانازی ڤە پێشمەرگەھێن قەھرەمان یێن گیانێ خۆ دکەنە قوربانی ژ پێخەمەت پاراستنا کوردستانێ و جیھانێ و ھەبوونا دەولەتا کوردستانێ لێ مخابن یەکەتی و گوران ژبەر مەرەمێن خویێن حزبی و تاکەکەسی دگەل حزب و سیاسیێن دژی راگەھاندنا دەولەتا کوردستانێ کومدبن. ل دوماھیێ ھیڤیا من ئەوە خەلکێ کوردستانێ پشتەڤانیا ڤان سەرەدانان نەکەن چونکی ژبلی تێکدانا ناف مالا کوردی ھیچ واتایەک دیتر نینە.
*نزار عصمەت عەلی: مامۆستایێ ھاریکار/ زانینگەھا زاخۆ/ پشکا دەروونناسیا گشتی/ تایبەتمەندێ دەروونناسیا گشتی( کلینیکی)*