ده‌ركراوه‌كان چوونه‌وه به‌غدا
سووره مه‌رگه‌یی
چوونه‌وه‌ی ئه‌مجاره‌یان له هه‌موو چوونه‌كانی رابردوویان جیاوازه، نه‌چوون به به‌غدا بڵێن: بۆچی مادده‌ی 140ی ده‌ستوور جێبه‌جێ ناكه‌ن؟
نه‌چوون به مالیكی و عه‌بادی و ده‌سه‌ڵاتدارانی ناوچه‌ی سه‌وز بڵێن: هه‌مووتان ره‌فتار و ره‌وشت سه‌ددامین و هه‌زار ره‌حمه‌ت له كفندز.
نه‌چوون به به‌غدا بڵێن: بڕینی مووچه و قووتی خه‌ڵكی كوردستان بۆچی؟
نه‌چوون به به‌غدا بڵێن: زه‌وتكردنی مووچه و بودجه‌ی هێزه‌كانی پێشمه‌رگه بۆچی؟
نه‌چوون به به‌غدا بڵێن: با حه‌شدی شه‌عبی كوردكوژی و ئاژاوه‌گێڕیه‌كانی دوز و ده‌وروبه‌ری رابگرێ!
نه‌چوون به به‌غدا بڵێن: چاره‌نووسی چوار پاسه‌وانه رفێنراوه‌كه‌ی سه‌رۆك كۆمارمان پێبڵێن!
چوون به به‌غدا بڵێن: هه‌ڵوێسته‌كانی بارزانی له‌سه‌ر عێراقچیه‌كان مه‌ترسین و هاتووین پێتان بڵێین: شان به شانی ئێوه دژی ده‌وه‌ستینه‌وه.
چوون به به‌غدا بڵێن: یه‌كپارچه‌یی خاكی عێراق ده‌پارێزین.
چوون به به‌غدا بڵێن: دژی راپرسی و سه‌ربه‌خۆیی كوردستان و دامه‌زراندنی ده‌وڵه‌تی كوردین.
چوون به به‌غدا بڵێن: سه‌د جاری تریش شه‌قتڕێنمان كه‌ن و نه‌ك به نیمچه رووتی، به‌ڵكو به رووتوقووتی له ده‌رگاوه فڕێمانده‌نه دره‌وه، به كۆك و پۆشته‌یی له په‌نجه‌ره‌وه دێینه‌وه ژووره‌وه
