دەم دەم مە گوە لێ دبیت ل جیھانێ ڤایروسەک پەیدا دبیت و ب ناڤەکی دھێتە ناڤ کرن، وئەوڤایروس د بیتە نەخوشیەکا کوژەک بۆخەلکێ جیھانێ و ب تایبەتی ل وی وولاتێ د ناڤدا ئەو ڤایروس سەر ھەلدەت وبو ژناڤ برنا وی ڤایروسی زانا بزاڤا ڤە دیتنا دەرمانەکێ قرکەر دکەن، داکو خۆە ژ وی ڤایروسێ کوژەک قورتال بکەن, وژوان ڤایروسێن مە گوە لێبوین وەبا,وئیدز, ئەنفولوەنزا بەرازا..ھتد.
نوکە ڤایروسەکێ دیتریێ جودا وب شێوازەکێ دیتر پەیدا بویە و یێ جودایە ژ وان نەخوشی وڤایروسێن پێشی نوکە مە بەرچاڤ کرین وکەڤتیە گیانێ ھندەک وولاتان وئەو ڤایروس شێوێ مرۆڤێ ئاسایی یە و نەوەک ڤایروسێ زێندەوەرێن دیە کو ب ئامێرێت پێشکەفتی بھێتە دیتن, ئەڤ ڤایروسە ژی مرۆڤە وناڤێ وی (داعشە) ومرۆڤن بەلێ دڕاستیێدا ڤایروسەکێ کوژەکە دژی ھەمی مرۆڤایەتیێ وئاین ومەسەب وبھایێن مرڤایەتیێ یە، ب سەروسیما مرۆڤە بەلێ دورندە وھوڤە وچ تشتەکێ وەکویێ مرۆڤان دناخ ودلێ واندا نینە.
ئەڤە ژی وەکو نەخوشیێن ڤایروسی ترسناکن بۆگیانێ مرۆڤی د جیھانێدا, ومەترسیەکا مەزن ژێ پەیدا دبیت بۆسەرگیانێ ھەمی ھەڤولاتیان ل ھەمی جیھانێ, نەک ب تنێ بۆگیانی بەلکو بۆسەروسامانێ خەلکی وان وژناڤ برنا ھەرتشتەکێ گرێدایی ب پێشکەفتن وشارستانیەتێ ڤە, ئەڤی ڤایروسی ل ھندەک وولاتان سەرھەلدایە ل عێراقێ و سوریێ و لیبیا و سەرچەقێن وێ گەھشتینە کوردستانێ ژی, نوکە ل جیھانێ بزاڤێن مەزن دھێنە کرن ژ بۆ قوتبرکرن ونەھێلان وڤەبراندنا وان، کودەنگیەک ل سەر ژ ناڤبرنا ڤی ڤایروسی ھەیە, بەلێ دەرمانێ بھێزیێ قرکرن وڤەبراندنا وان ھێزا پێشمەرگەیە, چونکە پێشمەرگە ھێزەکا پیلایی و خودان ئیرادەیە وبتنێ ئەو ھێز د شێت بەرسینگێ ئەڤی ڤایروسی بکریت, نوکە شیایە بەرسینگێ بەلاڤبونا ڤایروسی بگریت وسنورەکی بو پێشڤەچوون وگەھشتنا ڤی ڤایروسی و نەخوشیێ بۆناڤ لەشێ ھەمی عێراقێ و جیھانێ دانیت , ھەرچەندە ئەو شیانێن تەقەمەنی و چەکی ل بەردەستێ پێشمەرگەی گەلەک دکێمن ئەگەر بھێنە ھەڤبەرکرن دگەل یێن تیرورستێن داعش, بەلێ پشتبەستن ب ئیرادە وەپشتەڤانیا خەلکێ کوردستانێ پێشمەرگە ب ئازادانە شیا ڕێ ل ڤایروسی بگریت و بەرگیریێ ژ ئاخا وولاتی بکەت وپرانیا ئەو دەڤەرێن کەفتینە بەر نەخوشیا ڤایروسی،ڤایروس لێ ھاتە قرکرن وپاقژکرن, پشتی کو وولاتێن جیھانێ ھەست ب مەترسیا ڤایروسی کری و زانی کو ئەڤە مەترسیەکا مەزنە ل سەرئارامی و تەناھیا وئاسایشا جیھانێ ھەمیێ, ھەڤپەیمانیەکا ٦٠ وولاتی ب سەروکایەتیا ئەمریکا ھاتە پێک ئینان داکو ڕێ ل بەلاڤبونا ئەڤی ڤایروس بگرن و قربکەن و بتنێ ھێزا ل سەرئەردی بەرھەڤیا خۆ دەرئێخستی بۆژناڤ برنا ئەڤی ڤایروسی ھێزا لەشکەرێ کوردستانێ پێشمەرگە بوو. لەوما نوکە ھێزا پێشمەرگەی باشترین وبھیزترین دژە ڤایروسە وقرکرنا داعش وتیرورستاند ێ ل سەردەستێ وان بیت.