كاتێك عه‌لی باپیر وه‌ك كۆنه‌ ئه‌میرێكی كۆمه‌ڵی ئیسلامی و تازه‌ هه‌ڵسووڕاوێكی بزووتنه‌وه‌ی گۆڕان دژ به‌ پارتی هه‌ڵوێست وه‌رده‌گرێ، خۆم به‌ خۆمم ده‌گوت: هه‌بێ و نه‌بێ پارتی كاتی خۆی په‌نجه‌ی شایه‌تمانی برا موسڵمانه‌كانی بڕیون و مه‌لا عه‌بدوڵای قه‌سرێشی كوشتووه‌ و من ئاگادار نیم.
كاتێك سۆران عومه‌ر وه‌ك په‌رله‌مانتاری كۆمه‌ڵی گۆڕانخوازان شه‌ڕه‌ منداڵێكی ناو شاری هه‌وڵێر به‌ پێشێلكاری مافی مرۆڤ ناو ده‌بات، خۆم به‌ خۆم ده‌ڵێم: هه‌بێ و نه‌بێ بڕینی په‌نجه‌ی شایه‌تمانی برا موسڵمانه‌كانی هه‌ڵه‌ی ته‌كنیكی بووه‌ و كوشتنی مه‌لا عه‌بدوڵای قه‌سرێش قه‌زاوقه‌ده‌ر و خوا كرد بووه‌ و، ناكرێ قسه‌ش له‌ كاری خوادا بكرێ، دیاره‌ له‌ روودانی ئه‌و كارانه‌ و زۆر كاری تریش، یا ئه‌وه‌تا ده‌ستی پاراستنی پارتیان له‌ پشت بووه‌، یا ئه‌وه‌تا هه‌ڵه‌ تێگه‌یشتنێك هه‌یه‌.