ره‌وتی نه‌ته‌وه‌یی له باشوور له سێ به‌ره‌دا ده‌جه‌نگێ
سووره مه‌رگه‌یی
ته‌نانه‌ت به‌ره تابووریه‌كه‌ی نه‌وشیروان مسته‌فا له كاتی برینی مووچه و بودجه و قووتی خه‌ڵكی كوردستان و توند بوونی گرژیه‌كانی نێوان هه‌ولێر و به‌غدا وه‌ك ناوبژیوان خویان ده‌رده‌خست، ئه‌وه‌ی جێگای پرسیار بوو له ناوبژیوانیه‌كه‌ش وه‌ك پارێزه‌ری به‌غدا ده‌رده‌كه‌وتن و باری خه‌تایان به‌لای كورددا ده‌خست، جگه له‌وه‌ش په‌رله‌مانتاره‌كانی به‌ره تابووریه‌كه‌ی نه‌وشیروان مسته‌فا وه‌ك تۆمه‌ت دانه پاڵه ره‌وته نه‌ته‌وه‌یی و به‌ره رزگاریخوازیه‌كه، له‌سه‌ر زه‌وت كردنی مووچه و بودجه‌ی پێشمه‌رگه ده‌یانگوت: له دادگای فیدڕاڵی سكاڵا له‌سه‌ر ده‌سه‌ڵاتی كوردی تۆمار ده‌كه‌ین، له‌وه‌شدا مه‌به‌ستیان بوو به كورد و هێزی پێشمه‌رگه بڵێن: به‌غدا و نوری مالیكی مووچه‌بڕ پاكن و ئه‌وه ده‌سه‌ڵاتی كوردییه كه‌مته‌رخه‌مه و ده‌یه‌وێ كێشه بۆ به‌غدا و حوكمه بێوه‌یه‌كه‌ی درووست بكه‌ن.
ئه‌و به‌ره تابووریه‌ی نه‌وشیروان مسته‌فا به‌و هه‌موو دوژمنكاریه‌ی ره‌وتی نه‌ته‌وه‌یی و به‌ره‌ی رزگاریخوازی نیشتیمانی خه‌ڵكی كوردستان نه‌وه‌ستا و، له 17ی شوباتی ساڵی 2011 له‌ژێر كاریگه‌ری ئه‌وه‌ی ناویان نابوو به‌هاری عه‌ره‌بی، به نانه‌وه‌ی ئاشووب و ئاژاوه‌گێڕیه‌كانی به‌ر ده‌ركی سه‌را هاوهه‌ڵوێستی خۆی بۆ هه‌موو ئه‌و دوژمن و داگیركارانه ده‌بڕی كه دوژمنایه‌تی ره‌وتی نه‌ته‌وه‌یی و به‌ره‌ی رزگاریخوازی خه‌ڵكی كوردستانان ده‌كرد، كه‌لتووری توندوتیژی ئه‌وانی هاورده ده‌كرد و هه‌ر به زمانی ئه‌وانیش به به‌ره‌ی ره‌نج و خوێن و خه‌باتی ده‌یان ساڵه‌ی خه‌ڵكی كوردستانی ده‌گوت (ارحل).
له‌گه‌ڵ هاتنی داعش به‌ره‌ی جه‌نگ دژی ره‌وتی نه‌ته‌وه‌یی و به‌ره‌ی رزگاریخوازی كوردستان زیادی كرد و بوو به سێ به‌ره، به‌ره‌ی داعش به سه‌رۆكایه‌تی ئه‌بوبه‌كر به‌غدادی، به‌ره‌ی حه‌شدی شه‌عبی وه‌ك جاران ماوه‌یه و له ئێستادا زیاتر هادی عامری و قاسم سوله‌مانی ئه‌و به‌ره‌یه به‌ڕێوه ده‌به‌ن، به‌ره‌ی تابووری پێنجه‌میش كه نه‌وشیروان مسته‌فا له‌ژێر چاودێری ده‌زگا هه‌واڵگریه‌كانی وڵاتێكی هه‌رێمی درێژه‌ی پێده‌دات، ئه‌و سێ به‌ره جه‌نگیه له به‌ره‌ی جه‌نگی دژی ره‌وتی نه‌ته‌وه‌یی و به‌ره‌ی رزگاریخوازی خه‌ڵكی كوردستان جۆرێك له سه‌نگه‌ربه‌ندیان درووست كردووه و بوونه‌ته هاوپه‌یمانی یه‌كتری.
هه‌موو كاتێك چاوه‌ڕوانی ئه‌وه ده‌كرێ حه‌شد و داعش، سه‌ددام و ئه‌بوبه‌كر و نوری و هادی له دژایه‌تی كردنی كورددا بچنه‌وه پاڵ یه‌ك، له‌وه‌ش چاوه‌ڕانكراو تر هاوهه‌ڵوێستی نه‌وشیروان مسته‌فایه له‌گه‌ڵ هه‌ر سه‌ددام و نوری و هادی و قاسمه‌كان كه دژی ماف و ئازادیه نه‌ته‌وه‌ییه‌كانی كورد بوه‌ستێته‌وه، بۆیه ده‌بینین ئه‌وه‌ی ئێستا به هه‌ڵوێسته سیاسیه‌كانی نه‌وشیروان مسته‌فا دیاره، وه‌ك پیشه‌ی هه‌میشه‌یی خۆی، جارێكیترخزاوه‌ته‌وه سه‌نگه‌ری دوژمنان و پشتی له ره‌وتی نه‌ته‌وه‌یی و به‌ره‌ی جه‌نگی رزگاری نیشتیمانی كردووه، له‌ژێر رۆشنایی ئه‌و روونكردنه‌وه‌یه و رووداوه‌كانیش روون و ئاشكرا پێمانده‌ڵێن: له ئێستادا ئه‌بوبه‌كر به‌غدای و هادی عامری و قاسم سوله‌یمانی و نه‌وشیروان مسته‌فا، له دژی ئه‌و سه‌نگه‌ره ده‌جه‌نگن كه سه‌ربه‌خۆیی كوردستان و دامه‌زراندنی ده‌وڵه‌تی كوردی كردۆته دوا وێستگه‌ی بنبڕكردنی چه‌وسانه‌وه‌ی نه‌ته‌وه‌یی و دوا چاره‌سه‌ری پرسی كورد.
