كاتێك بابەت دێتە سەر دەوڵەت بۆ كورد، دەبێت ئەوەمان لەبیر بێت، پێش ئەوەی ئەم بابەتە بەسیاسیەوە گرێ بدرێت،، ئەمە بابەتێكە كە خۆی لە گەشەكردنی عەقلی تاكی كورد و بەرجەستە بوونی كەسایەتی و باوەر بەخۆ بوونەی پێناسە دەبێت، دەوڵەتی تەنها چەمكێكی سیاسی نیە، بەڵكو دەوڵەت ئێستا بناغەی پێگەیشتووی تاكە لەنێوان باوەر بەخۆ بوون و پێگەیشتووی عەقل لەمەر ئەو قۆناغەی ژیاندا، كاتێك هەندێك مرۆڤی كورد جورئەتی ئەوە بەخۆیان دەدەن، دەوڵەت یەكسان بكەن بە نان و ئاو، ئەوە شەرمەزاریەكی گەورە رووی ئینسانی كورد دەگرێت، چونكە ئەوە دەسەلمێنێت كە كورد هێشتا لە قۆناغی بە كۆیلەبوونی قرنەی كویڵایەتی دەرباز نەبووە، واتا ئەگەر بە پێوەری مێژووی ئیسلامیش ئەوە بخوێنینەوە، هێشتا لەلای مرۆڤی كورد سیستەمی پێغەمبەرایەتی كۆتای نەهاتووە و لە چاوەروانی دابەزینی پێغەمبەرێكی ترە،

ئاخر ئەو حزب و لایانە سیاسیەی كە دەوڵەت بوون بە گرژی سیاسی ببەستێتەوە، باجی و نەفرەتی خۆی دەخوات لە مێژووی ئەو نەتەوەیەدا، بەڵام كاتێك تاكی كوردیش جورئەتی ئازادی خۆی بەخۆی نادات وەك مرۆڤ لەژێر رەشماڵی حزب دا نەخێر دەنووسێت، ئەوە هیچ گومانت لەوە نەبێت هێشتا ئەو تاكە ناتوانێت لەنێوان گەشەكردن عەقل و باوەر بوون بەخۆی لەگەڵ ئەو سەردەمەدا بژیت، هێشتا زەمینەی ژیانی ئەو مرۆڤە پێویستی بە پێغەمبەرێكی تر و چەند سەدەی تر هەیە، تاكو بتوانێت لەگەڵ ژیان و ئازادی دا ناكۆكی نەبێت.