لە عێراق ژمارەی تووشبووان بە کۆرۆنا روو لە هەڵکشانە
ئەمڕۆ چوارشەممە 10/2/2021، وەزارەتی تەندروستی عێراق لە بەیاننامەیەکەیدا رایگەیاندووە، لە 24 کاتژمێری رابردوو 2 هەزار و 282 حاڵەتی نوێی تووشبوون بە ڤایرۆسی کۆرۆنا لە سەرتاسەری عێراق تۆمارکراوە و 802 کەسیش چاکبوونەتەوە، 6 کەسیش گیانیان لە دەستداوە و کۆی گشتی تووشبووانیش گەیشتە 634 هەزار و 539 کەس.
هەروەها ئەوەش خراوەتە روو، کە لە کۆی گشتی تووشبووانی ئەم ڤایرۆسە 602 هەزار و 820 کەس چاکبوونەتەوە و 13 هەزار و 140 کەسیش گیانیان لە دەستداوە.
ماوەی چەند رۆژێکە رێژەی تووشبوون بە کۆرۆنا لە عێراق بەڕێژەیەکی بەرچاو رووی لە بەرزبوونەوە کردووە و بەرپرسانی تەندروستیش هۆشداری لەبارەی دۆخەکەوە دەدەن.
باسنيوز
