لیژنەی تەندروستیی پەرلەمانی عێراق، هۆشداری لە بەرزبوونەوەی ژمارەی تووشبووانی کۆرۆنا دەدات و رایدەگەیەنێت لەوانەیە ژمارەی توشبووان بۆ پێنج هەزار حاڵەت لە ڕۆژێکدا بەرزبێتەوە.

جواد موسەوی، ئەندامی لیژنەی تەندروستیی پەرلەمانی عێراق بە ئاژانسی فەرمیی عێراقی ڕاگەیاند: "بەهۆی پێشێلکردنی ڕێکارەکانی خۆپارێزی لەلایەن هاووڵاتیانەوە ٫پێشبینی دەکەین لە ڕۆژانی داهاتوودا ڕێژەی توشبوون بە ڤایرۆسی کۆرۆنا لە عێراقدا زیاتر بەرزبێتەوە".

ئەو هۆشداری دەدات و ژمارەیەکی مەترسیداریش دەخەتەڕوو دەڵێت: "لەگەڵ بەردەوامبوونی پابەندنەبوون بە ڕێکارەکانی بەرگرتن لە ڤایرۆسی کۆڕۆنا لەوانەیە ژمارەی توشبووان بۆ پێنج هەزار حاڵەت لە ڕۆژێکدا بەرزبێتەوە".

ئەو پەرلەمانتارە ئاشکراشی دەکات بڕیارە لە هەفتەی داهاتوودا ڕێنمایی نوێ دەربارەی ڕێکارەکانی پێشگرتن لە نەخۆشییەکە دەربکرێت، گوتی: "ڕێکارەکان تووند دەکرێن بە دووری دەزانم سەپاندنی قەدەغەی هاتووچۆ ڕابگەیەندرێ".

کۆی گشتی تووشبووانی ڤایرۆسی کۆڕۆنا لە عێراق گەیشتۆتە 602 هەزار کەس، هەروەها 13 هەزار و 134 کەسیش گیانیان لە دەستداوە.












باسنيوز