لێژنەی دارایی لە پەرلەمانی عێراق: کێشەی بەشەبودجەی کوردستان بەرەو چارەسەر دەچێت
ئەحمەد سەفار، بڕیاردەری لێژنەی دارایی بە (سۆمەرییە نیوز)ی راگەیاندووە، کەشوهەوای کۆبوونەوەکانی ئەمساڵی شاندی حکوومەتی هەرێمی کوردستان و عێراق ئەرێنی بووە.
ئەحمەد سەفار هەروەها رایگەیاندووە، حکوومەتی هەرێمی کوردستان جددیبوونی خۆی لە گەیشتن بە رێککەوتن نیشان داوە و بە بەڵگەوە وەڵامی پرسیارەکانی لێژنەی دارایی پەرلەمانی عێراقی داوەتەوە.
بڕیاردەری لێژنەی دارایی گەشبینیی خۆی بە گەیشتن بە رێککەوتنی کۆتایی بۆ چارەسەرکردنی کێشەی بەشەبودجەی هەرێمی کوردستان نیشان داوە و رایگەیاندووە، ”گەشبینین بە گەیشتن بە رێککەوتنی کۆتایی، بەشێوەیەک، کە بەشەبودجەی هەرێمی کوردستان بەپێی یاسا و دەستوور گەرەنتی بکرێت“.
باسنيوز
