لە عێراق ژمارەی تووشبووان بە کۆرۆنا روو لە بەرزبوونەوەیە
ئەمڕۆ شەممە 6/2/2021، وەزارەتی تەندروستی عێراق لە بەیاننامەیەکەیدا رایگەیاندووە، لە 24 کاتژمێری رابردوو هەزار و 660 حاڵەتی نوێی تووشبوون بە ڤایرۆسی کۆرۆنا لە سەرتاسەری عێراق تۆمارکراوە و هەزار و 20 کەسیش چاکبوونەتەوە، 8 کەسیش گیانیان لە دەستداوە و کۆی گشتی تووشبووانیش گەیشتە 627 هەزار و 416 کەس.
هەروەها ئەوەش خراوەتە روو، کە لە کۆی گشتی تووشبووانی ئەم ڤایرۆسە 599 هەزار و 167 کەس چاکبوونەتەوە و 13 هەزار و 111 کەسیش گیانیان لە دەستداوە.
چەند رۆژێکە لە عێراق ژمارەی تووشبووان بە کۆرۆنا روو لە بەرزبوونەوەیە، ئەمە لە کاتێکدا لە چەند هەفتەی رابردوو ژمارەی تووشبووان بەم پەتایە بەشێوەیەکی بەرچاو رووی لەنزم بوونەوە کردبوو.
باسنيوز
