له پارێزگایەکی عێراق 13 بەرپرس و فەرمانبەری وەزارەتی نەوتی عێراق له گەندەڵییەک تێوە گلاون و بەو هۆیەوە دەستگیر کراون.

ئه‌مڕۆ چوارشەممە 3/2/2021 دەستەی ده‌ستپاکیی عێراق لە ڕاگەیاندراوێکدا ، ئەوەی خستووه‌تە ڕوو بەهۆی دزینی بڕێکی زۆری غاز و بەنزین و نەوت چەندین بەرپرس و فەرمانبەرێکی کۆمپانیای دابەشکردنی بەرهەمە نەوتییەکانی پارێزگای واستی عێراق دەستگیر کراون.

لە ڕاگەیەندراوەکەدا ئاماژە بەوەش کراوە پاش لێکۆڵینەوە 13بەرپرس و فەرمانبەری حکوومی لە کۆمپانیایەکی سەر بە وەزارەتی نەوت دەستگیر کراون.

دەستەی دەستپاکیی عێراق ئاشکراشی کردووە، ئەو کەسانە 361 هەزار لیتر غازی شل و 10 هەزار لیتر بەنزین و 740 هەزار لیتر نەوتیان دزیوە.

لەناو بەرپرسەکاندا بەڕێوەبەر و بەرپرسی بەش و هۆبە و سەرۆکی لیژنەکان هەن.

دادوەری فەرمانی کردووە هەریەک لەو کەسانە بڕی 25 ملیۆن دینار بۆ حکوومەت بگەڕێننەوە.











باسنیوز