ئەمڕۆ چوارشەممە فواد حوسێن، وەزیری دەرەوەی عێراق بە دیدارێکی فەرمی گەیشتە تاران و بڕیارە لەبارەی پرسی پێوەندییەکانی نێوان بەغدا و تاران لەگەڵ هاوتا ئێرانییەکەی دیدار و گفتوگۆ بکات.

ماڵپەڕی (ئیسنا)ی ئێرانی بە پشتبەستن بە ماڵپەڕی فەرمیی وەزارەتی دەرەوەی عێراق ئاشکرای کردووە، ئەمڕۆ چوارشەممە 3ی2ی 2021 فواد حوسێن وەزیری دەرەوەی عێراق، بەمەبەستی گفتوگۆ لەبارەی پرسی پێوەندییەکانی نێوان عێراق و ئێران، گەیشتووەتە تاران.

هەمان سەرچاوە ئاماژەی بەوەش داوە بڕیارە فواد حوسێن، لەگەڵ بەرپرسانی باڵای کۆماری ئیسلامیی ئێران و بەتایبەت محەمەدجواد زەریف وەزیری دەرەوەی ئێران کۆ ببێتەوە.





باسنيوز