وه‌زیری ته‌ندروستیی عێراق، ئاشكرای كرد كه‌ له‌ ماوه‌ی سێ هه‌فته‌ی داهاتوودا، وڵاته‌كه‌ی به‌شی یه‌كه‌می پێكۆته‌ی دژه‌كۆرۆنای پێ ده‌گا، كه‌ سێ ملیۆن یه‌كه‌یه‌.

ئه‌مڕۆ دووشه‌ممه‌ 1/2/2021، حه‌سه‌ن ته‌میمی، وه‌زیری ته‌ندروستی و ژینگه‌ی عێراق، ئاشكرای كرد، كه‌ له‌ ماوه‌ی سێ هه‌فته‌دا، یه‌كه‌م به‌شه‌ پێكوته‌ی دژه‌كۆرۆنا ده‌گاته‌ عێراق، كه‌ به‌ سێ ملیۆن یه‌كه‌ی كوتین ده‌خه‌مڵێنرێ.

ئه‌وانه‌ی له‌ قۆناغی یه‌كه‌مدا ده‌كوترێن، كارمه‌ندانی وه‌زاره‌تی ته‌ندروستی و ده‌زگه‌ ئه‌منییه‌كان و ته‌مه‌نهه‌ڵكشاوانی سه‌رووی 50 ساڵان و ئه‌و كه‌سانه‌ن كه‌ به‌ ده‌ست نه‌خۆشییه‌وه‌ ده‌ناڵێنن و به‌رگرییان لاواز بووه‌.

وه‌زاره‌تی ته‌ندروستیی عێراق‌ له‌سه‌ر كڕینی پێكوته‌ی فایزه‌ر و ئیسترازینكا (ئۆكسفۆرد) و سینۆفارمی چینی ڕێك كه‌وتووه.












باسنيوز