ئەمینداری گشتیی ئەنجوومەنی هاریکاریی وڵاتانی کەنداوی عەرەبی، سەردانی بەغدای پایتەختی عێراق دەکات.

نایف فەلاح حەجرەف، ئەمینداری گشتیی ئەنجوومەنی هاریکاریی وڵاتانی کەنداوی عەرەبی سەرلەبەیانیی ئەمڕۆ دووشەممە 1-2-2021 بە سەردانێکی فەرمی، گەیشتە بەغدا.

بەپێی زانیارییەکان، بڕیارە نەیف فەلاح حەجرەف لەگەڵ فوئاد حوسێن، وەزیری دەرەوەی عێراق کۆ ببێتەوە و دواتر کۆنگرەیەکی رۆژنامەنووسی، ساز بکات.

میدیا عێراقییەکان ئاماژە بەوە دەکەن، کە حەجرەف و فوئاد حوسێن تاوتوێی بارودۆخی ئەمنیی و سیاسیی عێراق و چەند پرسێکی دیکە، دەکەن.








باسنیوز