نوێنەری نەتەوە یەکگرتوەکان لەعێراق سەردانی ئێرانی کرد و لەگەڵ عەلی ئەکبەر ویلایەتی راوێژکاری پەیوەندییە نێودەوڵەتییەکانی رێبەری ئێران کۆبوەوە، لەکۆبونەوەکەدا تاوتوێی هەڵبژاردنەکانی عێراق کراوە و هەردولا جەختیانکردوەتەوە کە عێراقیه‌كان خاوەنی رۆڵی یەکلاکەرەوەن لە دیارییکردنی داھاتوی وڵاته‌كه‌یان.

له‌و كۆبونه‌وه‌یه‌دا تاوتوێی پێشھاتەکانی عێراق و ھەڵبژاردنەکان کراوە

جینین پلاسخارت نوێنەری نەتەوە یەکگرتوەکان لەعێراق ئەمڕۆ یەکشەممە لەگەڵ عەلی ئەکبەر ویلایەتی راوێژکاری پەیوەندییە نێودەوڵەتییەکانی عەلی خامنەیی رێبەری ئێران لە تاران کۆبوەتەوە و له‌و كۆبونه‌وه‌یه‌دا تاوتوێی پێشھاتەکانی عێراق و ھەڵبژاردنەکان کراوە.

له‌ راگه‌یه‌نراوی کۆبونەوەکەدا هاتوه‌، ویلایه‌تی رایگه‌یاندوە،"پێویستە وڵاته‌ بیانییه‌كان دەست لە کاروباری ناوخۆی عێراق وەرنەدەن و خەڵک و حکومەتی عێراق، خاوەنی رۆڵی یەکلاکەرەوە بن لە بابەتی دیارییکردنی داھاتوی خۆیان".

دۆخی عێراق بەراورد بە پێشتر زۆر باشترە

هاوکات پلاسخارت جه‌ختیكردوەته‌وه‌ له‌ گرنگی ئەنجامدانی ھەڵبژاردنێکی ئازادانە لە عێراق و ئاماژەی بە گرنگی پاراستنی یەکێتیی خاكی عێراق کردوه‌، هەروەها ئاماژەی بەوەکردوە، "دۆخی عێراق بەراورد بە پێشتر زۆر باشترە".





خه‌ندان