ئەمڕۆ پێنجشەممە حەسەن تەمیمی وەزیری تەندروستی و ژینگەی عێراق رایگەیاند وڵاتەكەی لە كۆتایی مانگی ئاداردا، بڕی یەك ملیۆن و ٥٠٠ هەزار پێكوتەی ڤایزەری دژە پەتای ڤایرۆسی كۆرۆنای بەدەست دەگات.

تەمیمی لە لێدوانێكدا ئاماژەی بەوەش دا كە ئەمە یەكەم بەشە پێكوتەی كۆرۆنایە و لە كۆتایی مانگی ئاداری داهاتوو بە دەستیان دەگات.

وەزیری تەندروستی و ژینگەی عێراق گوتیشی ئەم بەشەی پێكوتەكە، سەرەتا بە كەسانی شایستە دەدرێت، بە خۆشحاڵیشەوە ئێستا عێراق لە دۆخێكی موژدەبەخشدایە لە ڕووی كەمبوونەوەی ڕێژەی مردن بە هۆی پەتای ڤایرۆسی كۆرۆناوە.

جێی باسە رۆژی سێشەممەی رابردوو ئەنجوومەنی وەزیرانی عێراق بە سەرۆکایەتیی مستەفا کازمی کۆبووەوە و ژمارەیەک بڕیاری یەکێک لە بڕیارەکانی ئەنجوومەنی وەزیرانی عێراق، دیاریکردنی 100 ملیۆن دۆلار بوو بۆ کڕینی پێکوتەی دژە پەتای ڤایرۆسی کۆرۆنا.














باسنيوز