ئه‌نجامدانی هه‌ڵبژاردنی ئه‌نجومه‌نی پارێزگاكان تاوتوێده‌كرێت
شێروان دوبه‌ردانی، سه‌رۆكی لیژنه‌ی هه‌رێم و پارێزگاكان رایگه‌یاند، بۆشایییه‌كی یاسادانان و چاودێریكردن له پارێزگاكان هه‌یه، له‌كاتێكدا بونی ئه‌نجومه‌نی پارێزگاكان زامنی لامه‌ركه‌زییه‌ت ده‌كات.
لیژنه‌ی هه‌رێم و پارێزگاكان ده‌ستیان به كۆبونه‌وه كردوه له‌گه‌ڵ لیژنه‌ی یاسایی به‌مه‌به‌ستی ته‌واوكردنی یاسایه‌كی په‌یوه‌ست به‌ئه‌نجامدانی هه‌ڵبژاردنی ئه‌نجومه‌نی پارێزگاكان
وتیشی، "لیژنه‌ی هه‌رێم و پارێزگاكان ده‌ستیان به كۆبونه‌وه كردوه له‌گه‌ڵ لیژنه‌ی یاسایی به‌مه‌به‌ستی ته‌واوكردنی یاسایه‌كی په‌یوه‌ست به‌ئه‌نجامدانی هه‌ڵبژاردنی ئه‌نجومه‌نی پارێزگاكان به‌جۆرێك كه له‌گه‌ڵ یاساكانی ئه‌نجومه‌نی نوێنه‌ران بگونجێت، به‌مه‌به‌ستی پێشكه‌شكردنی بۆ خوێندنه‌وه‌ی یه‌كه‌م و دوه‌م بۆ ده‌نگدان له‌سه‌ری و ناردنی بۆ حكومه‌ت به‌مه‌به‌ستی دیاریكردنی ڕۆژێك بۆ ئه‌نجامدانی هه‌ڵبژاردنی ئه‌نجومه‌نی پارێزگاكان.
له هه‌فته‌ی ڕابردودا له‌گه‌ڵ پارێزگاره‌كان كۆبونه‌وه‌یان ئه‌نجامداوه و گوێیان له تێبینیه‌كانیان گرتوه
ئه‌وه‌شی خسته‌ڕو، له هه‌فته‌ی ڕابردودا له‌گه‌ڵ پارێزگاره‌كان كۆبونه‌وه‌یان ئه‌نجامداوه و گوێیان له تێبینیه‌كانیان گرتوه، ئه‌مڕۆش له‌گه‌ڵ لیژنه‌ی دارایی و پارێزگاره‌كان كۆبونه‌وه‌ی دیكه ئه‌نجامده‌ده‌ن به‌مه‌به‌ستی ته‌رخانكردنی بودجه بۆ پارێزگاكان.
خه‌ندان
