وەزارەتی دەرەوەی ئەمریکا پرۆگرامێکی وەرگرتنی پەنابەرانی عێراقی، رادەگرێت.

دانیێڵ سمیس، هەڵسوڕێنەری کاروبارەکانی وەزارەتی دەرەوەی ئەمریکا رایگەیاندووە، هەوڵ دراوە سیستەمی ئەلیکترۆنیی پرۆگرامی ئەو پەنابەرە عێراقییانەی هاوکاریی هێزەکانی ئەمریکایان کردووە، هاک بکرێت و زانیارییەکانی بدزرێت.

دانیێڵ سمیس هەروەها رایگەیاندووە، بڕیاریان داوە بۆ ماوەی 90 رۆژ پرۆگرامەکە رابگرن، بۆ ئەوەی پێداچوونەوە بە سیستەمەکە بکرێت و خاڵە لاوازەکانی بدۆزرێنەوە.

ئەو پرۆگرامەی وەزارەتی دەرەوەی ئەمریکا تایبەتە بە پێدانی مافی پەنابەرێتی بەو هاووڵاتییە عێراقییانەی هاوکاریی هێزەکانی ئەمریکایان کردووە و کارەکانی بۆ پاراستنی ژیانی ئەو عێراقییانە لە هەڕەشە، بە نهێنی دەکرێت.










باسنيوز