دوو تەقینەوە لە ناوەڕاستی بەغدای پایتەختی عێراق روویان دا و قوربانی هەیە.

بەپێی زانیارییە میدیاییەکان، کەمێک لەمەوبەری ئەمڕۆ پێنجشەممە 21-1-2021، خۆکوژێک لە گۆڕەپانی تەیەڕان لە ناوچەی بابولشەرقی خۆی تەقاندووەتەوە.

دوای خۆتەقاندنەوەی ئەو خۆکوژە، بۆمبێک لەهەمان شوێن تەقیوەتەوە و بەهۆی هەردوو تەقینەوەشەوە، پێنج هاووڵاتی گیانیان لەدەست داوە و حەوتی دیکەش بریندار بوون.

هێشتا هێچ گرووپ و لایەنێک بەرپرسیارێتیی خۆی لە تەقینەوەکە رانەگەیاندووە و هیچ ئامارێکی فەرمیش لەبارەی ژمارەی کوژراو و بریندارکان، بەردەست نییە.





باسنيوز