سێ تەقینەوە لە بارەگاکانی میلیشیاکانی حەشدی شەعبی لە سنووری پارێزگای بابل لە باشووری بەغدا، روویان دا.

تەقینەوەکان درەنگانی شەوی دووشەممە 18-1-2021 لە بارەگاکانی حەشدی شەعبی لە ناوچەی جورفول سەخر لە باکوری بابل، روویان داوە.

میدیاکانی نزیک لە حەشدی شەعبی باس لەوە دەکەن، کە تەقینەوەکان لە ئەنجامی بۆردومانی ئاسمانیی فڕۆکە بێفڕۆکەوانەکانی ئەمریکا بۆ سەر بارەگاکان، روویان داوە.

بەپێی زانیارییە میدیاییەکان، بەهۆی تەقینەوەکان نۆ چەکداری حەشدی شەعبی کوژران و ”دەیانی دیکەش“ بریندار بوون.

ئەمڕۆ سێشەممە 19-1-2021، فەرماندەیی ناوەندیی سوپای ئەمریکا رەتی کردووەتەوە هیچ زانیارییەکیان لەبارەی بۆردومانە ئاسمانییەکانەوە هەبێت.




باسنيوز