وەزیری بەرگریی فەرەنسا هۆشداریی لە سەرهەڵدانەوەی رێکخراوی تیرۆریستی داعش لە عێراق و سووریا، دەدات.

خاتوو فلۆڕانس بارلی، وەزیری بەرگریی فەرەنسا بە میدیاکانی وڵاتەکەی راگەیاندووە، وڵاتەکەی لەو باوەڕە دایە داعش هێشتا ماوە و کۆتایی نەهاتووە.

فلۆڕانس بارلی ئاماژەی بە ئەگەری سەرهەڵدانەوەی داعش کردووە و رایگەیاندووە، رەنگە داعش بە جۆرێک لە جۆرەکان لە هەردوو وڵاتی عێراق و سووریا، سەرهەڵبداتەوە.

وەزیری بەرگریی فەرەنسا هەروەها رایگەیاندووە، تێبینیی ئەوەیان کردوە، داعش لە سووریا خۆی رێک دەخاتەوە و هێز کۆ دەکاتەوە.

لەبارەی داعش لە عێراق، فلۆڕانس بارلی رایگەیاندووە، ”داعش لە عێراق خەریکی خۆڕێکخستنەوەیە“.






باسنيوز