لە سنووری قەزای باقووبەی ناوەندی پارێزگای دیالە دوو سەربازی عێراقی لەلایەن تیرۆریستانی داعشەوە كوژران.

نیهاد محەمەد، گوتەبێژی پۆلیسی دیالە، ئەمڕۆ سێشەممە 12ی١ی2021 بە (باسنیوز)ی راگەیاند: "شەوی ڕابردوو لە سنووری قەزای باقووبەی ناوەندی پارێزگای دیالە، دوو سەربازی عێراقی بە گوللەی قەناسی تیرۆریستانی داعش پێكراون و گیانیان لەدەست داوە."

گوتیشی: "پاش ئەو ڕووداوە هێزەكانی پۆلیس و سوپا ناوچەكەیان گەمار داوە، بەڵام هیچ چەكدارێك دەستگیر نەكراوە."

گوتەبێژی پۆلیسی دیالە راشی گەیاند: "ئەو كردەوە تیرۆریستیە یەكەمین كردوەی تیرۆریستیی داعش بووە لە سەرەتای2021دا لەو ناوچەیە ."







باسنيوز