وەزارەتی دەرەوەی عێراق لەبارەی سزادانی سەرۆکی دەستەی حەشدی شەعبییەوە، وەڵامی ئەمریکا دەداتەوە.

ئێوارەی رۆژی شەممە 9-1-2021، وەزارەتی دەرەوەی عێراق لە بەیاننامەیەکدا، رایگەیاندووە، بڕیاری سزادانی فالح فەیازی سەرۆکی دەستەی حەشدی شەعبی ”لەناکاو بووە“.

وەزارەتی دەرەوەی عێراق هەروەها رایگەیاندووە، وڵاتەکەی دژی ئەو بڕیارەیە و ”قبووڵ ناکات“.

هەر لە بەیاننامەکەدا هاتووە، حکوومەتی عێراق لەگەڵ ئیدارەی ئێستا و نوێی کار دەکات بۆ چارەسەرکردنی کێشەی سزادانی بەرپرسە عێراقییەکان.

وەزارەتی گەنجینەی ئەمریکا لە رۆژی هەینی 8-1-2021، فالح فەیازی بەهۆی بوونی پەیوەندی بە چەندین پێشێلكاریی مەترسیداری مافەكانی مرۆڤ لە میانی خۆپیشاندانەكانی تشرینی یەكەمی 2019ی عێراق، خستە لیستی سزاکانەوە.