لە عێراق چوار کەسی دیکە بەهۆی کۆرۆناوە گیانیان لە دەست دا
ئەمڕۆ شەممە 9/1/2021، وەزارەتی تەندروستی عێراق لە بەیاننامەیەکەیدا رایگەیاندووە، لە 24 کاتژمێری رابردوو 907 حاڵەتی نوێی تووشبوون بە ڤایرۆسی کۆرۆنا لە سەرتاسەری عێراق تۆمارکراوە و هەزار و 965 کەسیش چاکبوونەتەوە، چوار کەسیش گیانیان لە دەستداوە و کۆی گشتی تووشبووانیش گەیشتە 602 هەزار و 331 کەس.
هەروەها ئەوەش خراوەتە روو، کە لە کۆی گشتی تووشبووانی ئەم ڤایرۆسە 554 هەزار و 990 کەس چاکبوونەتەوە و 12 هەزار و 881 کەسیش گیانیان لە دەستداوە.
باسنيوز
