ئێوارەی ئەمڕۆ دووشەممە بەهای دۆلاری ئەمریكی لە بازاڕەكانی عێراق بەرانبەر دیناری عێراقی زیاتر بەرز بووەوە.

بەپێی میدیاكانی عێراق، لە زۆربەی پارێزگاكانی ئەم وڵاتە بەهای دۆلاری ئەمریكی بەرزتر بووەوە و یەك دۆلار یەك هەزار و ٤٣٠ دیناری تێپەڕاند.

ئەم بەرزبوونەوەیەش هاوكات بوو لەگەڵ راگەیاندنی فەرمیی بانكی رافیدەینی عێراق بە پشت بەستن بە نرخی یەك دۆلار بەرانبەر یەك هەزار و ٤٦٠ دیناری عێراقی.

جێی باسە ئەمڕۆ نرخی كڕینی دۆلار لە بەغدای پایتەختی فیدراڵی، بەرانبەر یەك هەزار و ٤٣٣ دینار بووە و نرخی كڕینیشی بە یەك هەزار و ٤٢٠ دینار بووە.












باسنيوز