له سنووری بادۆش 12 ئه‌ندامی داعش كوژران
ئه‌مڕۆ سێشه‌ممه 22/12/2020، یه‌كه‌كانی دژه‌تیرۆری عێراق، پشتبه‌ست به زانیاریی هه‌واڵگری و به به‌شداریی فڕۆكه‌ی هاوپه‌یمانان له بادۆشی رۆژئاوای مووسڵ پرۆسه‌یه‌كی سه‌ربازیی ئه‌نجام دا.
لیوا یه‌حیا ڕه‌سوول، وته‌بێژی هێزه چه‌كداره‌كانی عێراق، ئاشكرای كردووه، كه
له‌و پرۆسه‌یه‌دا، كه فڕۆكه‌ی هاوپه‌یمانانی نێوده‌وڵه‌تیی دژی داعش به‌شدارییان كرد، 12 ئه‌ندامی ئه‌و ڕێكخراوه تیرۆریستییه كوژران.
سه‌رچاوه‌یه‌كی ئه‌منی، ئه‌وه‌ی ئاشكرا كردووه، كه ئه‌و پڕۆسه سه‌ربازییه له ناوچه شاخاوییه‌كانی سنووری شارۆچكه‌ی بادۆش ئه‌نجام دراوه.
باسنيوز
