به‌ڕێز مه‌سعوود بارزانی سه‌رۆكی هه‌رێمی كوردستان به‌ر له‌وه‌ی هه‌ولێری پایته‌خت به‌ره‌و عه‌مان به‌جێ بهێڵێت له‌ چوارچێوه‌ی سه‌ردانێكیدا كه‌ ئه‌رده‌ن و كۆماری میسر ده‌گرێته‌وه‌ ، پێوه‌ندییه‌كی ته‌له‌فۆنی له‌ نووری مالكی سه‌رۆك وه‌زیرانی عیراقی فیدراڵه‌وه‌ پێگه‌یشت.

له‌ پێوه‌ندییه‌ ته‌له‌فۆنییه‌كه‌دا نووری مالكی هیوای سه‌لامه‌تی بۆ سه‌رۆك بارزانی خواست له‌و سه‌فه‌ره‌یداو هه‌ردوو لا پێشهاته‌ نویێه‌كانی باری سیاسی ئێستای سه‌ر گۆڕه‌پانی عێراقیان تاوتوێ كرد.

هه‌روه‌ها سه‌رۆكی هه‌رێمی كوردستان و سه‌رۆك وه‌زیرانی عیراقی فیدرال له‌ پێوه‌ندییه‌ ته‌له‌فۆنییه‌كه‌دا بیرو بۆچوونیان به‌رانبه‌ر به‌ پرسی ئه‌و كۆششانه‌ ئاڵوگۆڕ كرد كه‌ بۆ پێكهێنانی حكوومه‌تی ئایینده‌ی عیراق ده‌درێن.