بەپێی دوا راگەیاندراوی نەتەوەیەكگرتووەكان تاوەكو ئێستا وڵاتی نەرویژ باشترین شوێنە بۆ نیشتەجێ بوون و ژیانی خەڵك، ئەمە و پێشترین بەر لە تەنگژە داراییەكەی جیهان نەتەوەیەكگرتووەكان لە راگەیاندراوێك ئاماژەی بەوەدا بوو كە هەریەك لە نەرویژ و ئوسترالیا و ئایسلەندا باشترین وڵاتانێكن بە بەراورد لەگەڵ وڵاتانی دیكەی جیهان كە خەڵك تێیدا بە ئارامی و بە خۆشی ژیان بەسەردەبەن.

لەلایەكی دیكەوە هەریەك لە نایجیریا و ئەفغانستان و سیرالیۆن لە خراپترین ئەو وڵاتانە دێن كە ئاستی گەشەپێدانی مرۆیی لەوپەڕی لاوازایدیە بەتایبەت كە هەریەك لەو وڵاتانە دووچاری چەندین نەخۆشی و شەڕ و ئاژاوە بوونەتەوە.

راگەیاندراوەكەی نەتەوەیەكگرتووەكان ئەوەشی روونكردۆتەوە لەگەڵ بەرزبوونەوەی پلە پلەیی باری ئابووری جیهان بەڵام هێشتا ئەو وڵاتانە و چەندین وڵاتی دیكە بە هەمان گرفتەوە دەناڵێنن.

راگەیاندراوەكە ئەوەشی باس كردووە كە 24 هەژارترین وڵات نیوەی دانیشتوانەكەیان نەخوێندەوارن.

لە بەشێكی دیكەی راگەیاندراوەكە هاتووەە كە لە بەرامبەر تەنیا یەك دۆلار كە رۆژانە تاكێكی نایجیری دەستی دەكەوێت لە بەرامبەردا تاكێكی نەرویژی 85 دۆلاری دەست دەكەوێت.