پاڵه‌وانی ئه‌م جاره‌ی سوپەرمان كێیه؟
له‌م باره‌یه‌وه كۆمپانیای وارنه‌ر بره‌زر رایگه‌یاند دوای به‌شداری كردنی جادۆت له زنجیره فیلمه‌كان Fast & Furious سه‌ركه‌وتنی به‌ده‌ستهێنا ئه‌مه‌ش وایكرد كه ناوبانگێكی زیاتری هه‌بێت و ببێته یه‌كێك له‌و ئه‌ستێره سینه‌ماییانه‌ی كه له سه‌رتاسه‌ری جیهان ناسراون، ئه‌م سه‌ركه‌وتنه‌ی جادۆت وای لێكرد كه پاڵێوراو بێت و دواتریش هه‌ڵبژێردرێت بۆ ئه‌وه‌ی رۆڵی پاڵه‌وان ببینێت له زنجیره فیلمه‌كانی(Wonder Woman)، له‌لایه‌ن خۆیشییه‌وه زاك سنایده‌ری ده‌رهێنه‌ری فیلمه‌كه گوتی: Wonder Woman یه‌كێكه له كه‌سایه‌تییه به‌هێزه‌كان له نێو ئافره‌ته سینه‌ماكاره‌كان به درێژایی مێژوو، جادۆتیش یه‌كێكه له ئه‌كته‌ره ناوداره‌كانی جیهانی سینه‌ما و خاوه‌ن جه‌ماوه‌رێكی زۆره و ئه‌م فیلمه واده‌كات ئاستی جه‌ماوه‌ری زۆرتر بێت، چونكه ئه‌و ئه‌كته‌رێكی به توانایه و هه‌موو سیفاته پێویسته‌كانی تێدایه بۆ بینینی ئه‌م رۆڵه، هیوادارین جه‌ماوه‌ریش فیلمه‌كه ببینێت و رای خۆیان له‌سه‌ر ئه‌م كچه ئه‌كته‌ره ده‌رببڕن، چونكه ئێمه دڵنیاین له سه‌ركه‌وتنی فیلمه‌كه و ئه‌م پاڵه‌وانه نوێیه، شایه‌نی وتنه له فیلمی داهاتوودا هه‌ر یه‌كه له سوپه‌رمان و باتمان رووبه‌ڕووی یه‌كتر ده‌بنه‌وه، هینری كافل رۆڵی یه‌كه‌میان ده‌بینێت و بین ئه‌فلیكیش ڕۆڵی دووه‌م و بڕیار وایه له سه‌ره‌تای ساڵی 2015 له هۆڵه‌كانی سینه‌ما نمایش بكرێت.
