سیلیناش ده‌یه‌وێ بچێته ریزی مادۆنا و ئه‌نجلینا
سیلینا له یه‌كێك له هۆتێله به‌ناوبانگه‌كانی ئیتاڵیا بینرا له‌گه‌ڵ ئان كه خه‌ریكی گفتوگۆیه‌كی دوور و درێژ و جددی بوون، ئه‌مه‌ش لای هه‌وادارانی وا لێكدرایه‌وه كه ده‌یه‌وێ له‌سه‌ر به‌رگی گۆڤاری فۆگ ده‌ربكه‌وێت كه یه‌كێكه له كۆنترین و به‌ناوبانگترین گۆڤاره‌كان و هۆكارێكی سه‌ره‌كییه بۆ ئه‌وه‌ی هونه‌رمه‌ندان زیاتر ناوبانگ ده‌ربكه‌ن و بناسرێن و تا ئێستا به‌شێكی زۆر له ئه‌ستێره ناوداره‌كانی جیهان له‌م گۆڤاره ده‌ركه‌وتن ور بوونه بابه‌تی به‌رگیان دواتر بوون به ئه‌ستێره‌ی ناودار له‌وانه‌ش مادۆنا و ئه‌نجلینا جۆلی، كه پێشتر به هه‌مان شێوه‌ی سیلینا هه‌وڵیانداوه له رێگای ئه‌م گۆڤاره‌وه ده‌ركه‌ون.
شایه‌نی وتنه دوای جیابوونه‌وه‌ی سیلینا گۆمیز و هاوڕێكه‌ی، سیلینا به بارودۆخێكی ده‌روونی سه‌ختدا گوزه‌ری كرد و خه‌ریك بوو ئه‌م بارودۆخه كاریگه‌ریی به‌سه‌ر ته‌واوی ژیانیدا هه‌بێت، به‌ڵام دوای ماوه‌یه‌ك گه‌ڕایه‌وه دۆخی جارانی و ئه‌م هه‌وڵه‌شی ده‌چێته ئه‌و چوارچێوه‌یه بۆ ئه‌وه‌ی به ته‌واوی بگه‌ڕێته‌وه ئاستی جارانی به‌تایبه‌تی له رووی جه‌ماوه‌رییه‌وه.
