هونەرمەندی لاو "ڕێژوان هونەر مەرجان" دوای ئەوەی بۆیەكەمجار لە پڕۆگرامی (ئێكس كورد لایك)ـی كەناڵی ئاسمانی كوڕەك وەك میوان لە پڕۆگرامەكە بەشداری تێدا كردوو، گۆرانییەكانی بوون بە جێگەی سەرنجی گەنجان و عاشقانی دەنگی، كە دەمێكە كار بۆ بەرهەمێكی نوێ دەكات كە دەبێتە دەستپێكی بەرهەمە هونەرییەكانی، لەمبارەیەوە بە گۆڤاری"گوڵان"ـی راگەیاند: ماوەی ساڵێكە كار بۆ ئەو بەرهەمە دەكەم كە ماندوبوونێكی زۆری پێوە دیارە، ئەمەیش بە هاوكاری كۆمەڵێك لە هونەرمەندان و ستافێكی پڕۆفیشناڵ لە بواری بەرهەمهێناندا.



ئەو بەرهەمەی كە بۆتە دەستپێكی كارەكانم ناویم ناوە (دڵم شكا لێت)، كە لە تێكست و ئاوازی هونەرمەندی بە توانا (زانا جەبەلی)ـیە و لە سیناریۆ و دەرهێنانی پێشەوا نەبەردە و كاری تۆماركردنی ئەو بەرهەمەش لەلایەن هۆگرا عەزیزەوە بۆ كراوە.

تەواوی دیمەنەكانی ئەو بەرهەمەش لە وڵاتی (جۆرجیا)ـوە وێنەگیراوە، بڕیاریشە لە یەكەم ڕۆژی جەژنی قورباندا لە تەواوی كەناڵە ناوەخۆی و ئاسمانییەكاندا پەخش بكرێت، لێرەشەوە دەمەوێ سوپاسی هەموو ئەو كەسان بكەم كە لەو بەرهەمەدا لەگەڵ ئەركیان كێشاو ماندبوون.