كچه‌ گۆرانیبێژی لوبنانی مه‌ریام فارس له‌ دیمانه‌یه‌كی رۆژنامه‌وانیدا له‌ منداڵیدا كچێكی به‌ ناز نه‌بوو، به‌پێچه‌وانه‌وه‌ كچێكی زیره‌ك بوو به‌جۆرێك زۆر جار له‌لایه‌ن هاوڕێیان و دایكی به‌ (شه‌قاوه‌) ناسرا بوو. مه‌ریام ئه‌وه‌شی خسته‌روو كه‌ له‌به‌ر ئه‌وه‌ی له‌ ته‌مه‌نی منداڵیدا زۆر له‌ ده‌ره‌وه‌ یاری ده‌كرد به‌و هۆیه‌شه‌وه‌ 15 جار ئۆتۆمبیل لێیداوه‌، هه‌روه‌ها زیاتر ده‌ڵێ: له‌ واقعدا من كه‌سێكی ئازا و چاو نه‌ترس بووم زۆر باشم له‌ بیره‌ كه‌ 15 جار ئۆتۆمبیل لێیدام له‌ ئه‌نجامی یاریكردنم له‌سه‌ر شه‌قام و یاری كردنم به‌ خۆڵ و هه‌ڵكه‌ندنی چاڵ، به‌ڵام هیچ له‌و 15 جاره‌ مه‌ترسیدار نه‌بووه‌، له‌ ماڵه‌وه‌ دایكم چادرێكی دانابوو، هه‌میشه‌ له‌گه‌ڵ باربییه‌كه‌م یاریم ده‌كرد و دوایین باربی كه‌ بۆم هاتبێت ته‌مه‌نم 18 ساڵ بوو، به‌ڵام ئه‌و كات منداڵ نه‌بووم به‌ڵكو به‌رهه‌مهێنه‌ر بووم. ئه‌و كچه‌ گۆرانیبێژه‌ ئه‌وه‌شی روونكرده‌وه‌ كه‌ له‌ ئه‌نجامی گه‌وره‌ بوونی لە ته‌مه‌ن و بڕوای ته‌واوی به‌خۆم، ئێستا ئافره‌تێكی كامڵم و به‌رپرسم له‌سه‌ر قسه‌یه‌كی خۆم، له‌ منداڵی كه‌ گۆرانیم ده‌گوت چه‌پڵه‌یان بۆ لێده‌دام و ئێستا من زیاتر كامڵ بووم له‌ رووی كه‌سایه‌تی و هونه‌ری، جه‌ماوه‌ر كه‌ هونه‌رمه‌ندی خۆشده‌وێت به‌رپرسیاریه‌تییه‌كی گه‌وره‌ ده‌خاته‌ ئه‌ستۆی هونه‌رمه‌ند، به‌ڵام من له‌و به‌رپرسیاریه‌تییه‌ ناترسم.