ناعومی به جوانترین شێوه ده‌رده‌كه‌وێت له (شازاده دیانا)دا
ئێستا ته‌نیا پۆسته‌ری فیلمه‌كه بڵاوبۆته‌وه كه دروشمی سه‌ره‌كی بریتییه له (ئه‌فسانه ته‌نیا چیرۆكی ته‌واو نییه) وخانمه ئه‌كته‌ری جیهانی ناعومی واتس ڕۆڵی شازاده دیانا ده‌بینێت، له كاتی پروپاگه‌نده‌ی فیلمه‌كه ناعومی له نزیك پۆسته‌رێكی فیلمه‌كه وه‌ستا بوو، ناعومی به ره‌چه‌ڵه‌ك ئوسترالی له شێوه‌دا زۆر له شازاده دیانا نزیكه.
فیلمه‌كه باس له چه‌ند ساڵی كۆتایی ته‌مه‌نی شازاده‌ی وێلز و په‌یوه‌ندی له‌گه‌ڵ دكتۆر حه‌سنات خان ده‌كات كه هه‌ندێك كه‌س پێیانوایه تاكه خۆشه‌ویستی راسته‌قینه‌ی ژیانی بێت، ناعومی كه پێشتر دوو جار پاڵێوراو بووه بۆ خه‌ڵاتی ئۆسكار ترسی خۆی نه‌شارده‌وه له پێشوازی كردنی جه‌ماوه‌ر له فیلمه‌كه و كاریگه‌ریی له‌سه‌ر جه‌ماوه‌ر.
