سه‌لما : ده‌توانم كه زیاتر له ئێستا جوانتر بم
سه‌لمای ته‌مه‌ن 47 ساڵ له دیمانه‌یه‌كیدا بۆ ژماره‌ی ئه‌م مانگه‌ی گۆڤاری (InStyle) وتی: من ده‌زانم كه خه‌ڵك پێیانوایه من جوانم، به‌ڵام هیچ كاتێك هه‌وڵم نه‌داوه وه‌ك پێویست جوان بم یان هه‌وڵی خۆ جوان كردن بده‌م، سه‌لما زیاتر وتی: ده‌توانم كه زیاتر له ئێستا جوانتر بم ئه‌ویش به ئه‌نجامدانی وه‌رزشی زیاتر و دووركه‌وتنه‌وه له خواردنی شیرینی و خواردنه‌وه كهولییه‌كان، هه‌روه‌ها له توانامدا هه‌یه هه‌وڵی زیاتر بده‌م، به‌ڵام هیچ كاتێك جوانی و خۆ جوان كردن له كاره پێشینه‌كانی من نه‌بووه له ژیان ئه‌گه‌رچی پێموایه گرنگ و پێویستیشه.
سه‌لما ئامۆژگاری ئه‌و كه‌سانه‌ی كرد كه له ژیاندا كامه‌ران و دڵخۆش نین و له شێوه و رووخساری خۆیان رازی نین و وتی: پێویسته به رووخساری خۆتان رازی بن و ته‌قه‌بولی بكه‌ن و خۆشتان زۆر خۆش بوێ بێ ئه‌وه‌ی گوێ به قسه‌ی كه‌سانی دیكه بده‌ن بۆ ئه‌وه‌ی بگه‌نه ئامانجه‌كانتان له ژیان.
