لە چاخانەیەکدا یادی حەسەن زیرەک دەکرێتەوە
سەرۆکی تیپی هونەری میللی سلێمانی، جەزای ساز، بە ئاژانس و رادیۆی پەیامنێری راگەیاند "ماوەی چەند ساڵێکە لە یادی کۆچی دوایی هونەرمەندی ناسراوی کورد حەسەن زیرەک، لە لایەن چایخانەی مەڵکەندییەوە یادی ئەو هونەرمەندە دەکرێتەوە".
گوتیشی "ئەمساڵیش بە هاوکاری ئێمە و چەند هونەرمەند و موزیکژەنێک، یادێکی شایستەی ئەو گۆرانیبێژە ناسراوەی کورد لە بەردەم چایخانەکەدا دەکەینەوە، تێیدا چەندین گۆرانیی ئەو گۆرانیبێژە لەلایەن ژمارەیەک گۆرانیبێژەوە پێشکەش دەکرێن".
