فیلمى تازه‌ى "پیاوى ئاسن" بۆ ئه‌م هه‌فته‌یه‌ له‌سه‌ر ئاستى سینه‌مایه‌كانى ئه‌مریكاى باكور به‌ فیلمى پڕداهات ده‌ستنیشانكرا ، دواى ئه‌وه‌ى له‌ماوه‌ى نمایشكردنیدا توانى 113,1 ملیۆن دۆلار كۆبكاته‌وه‌ .

ئه‌م فیلم كه‌ یه‌كێكه‌ له‌ زنجیره‌ فیلمه‌كانى سوپه‌رمان له‌ ده‌رهێنانى "زاك شنایده‌ر"و پاله‌وانیه‌تى هنرى كافیل و ئامى ئاده‌مزه‌ .

هه‌روه‌ها فیلمى تازه‌ى به‌ناونیشانى "ئه‌مه‌ كۆتایی یه‌" به‌ پله‌ى دووه‌م هات ، ئه‌ویش به‌ كۆكردنه‌وه‌ى 20,5 ملیۆن دۆلار له‌م هه‌فته‌یه‌دا .

فیلمه‌كه‌ش له‌ ده‌رهێنانى ئیڤان گۆلدبیرگ و سیس ڕۆگنه‌ ، وه‌ جیمس فرانكو و جونا هیل و سیس ڕوگن ڕۆلى پاله‌وانیه‌تى تێیدا ده‌بینن .

به‌پێی هه‌والێكى ئاژانسى ڕۆیته‌رز فیلمى "جادوكه‌رى بانك" پاش ئه‌وه‌ى هه‌فته‌ى ڕابردوو له‌ پله‌ى دووه‌م دابوو ، بۆ ئه‌م هه‌فته‌یه‌ به‌ كۆكردنه‌وه‌ى 10,3 ملیۆن دۆلار گه‌ڕایه‌وه‌ پله‌ى سێیه‌م .

فیلمه‌كه‌ش له‌ ده‌رهێنانى "لویس یتریر"و پاله‌وانیه‌تى جیسی ئیزنبرگ و مارك روفالو یه‌ .


له‌لایه‌كى تریشه‌وه‌ فیلمى "خێرا و هه‌ڵَچوو" له‌ پله‌ى سێیه‌مه‌وه‌ گه‌ڕایه‌وه‌ بۆ پله‌ى چواره‌م ، پاش ئه‌وه‌ى له‌م هه‌فته‌یه‌شدا توانى 9,4 ملیۆن دۆلار به‌ده‌ست بێنێت . ئه‌م فیلمه‌ش له‌ ده‌رهێنانى جۆستن لین"و پاله‌وانیه‌تى ڤین دیزل و دواین جۆنسۆنه‌ .

هه‌روه‌ها فیلمى "پاككردنه‌وه‌" له‌ ده‌رهێنانى "جیمیس دیمۆناكو"و پاله‌وانیه‌تى ئیسان هۆك و لینا هیدى بۆ ئه‌م هه‌فته‌یه‌ به‌ پله‌ى پێنجه‌م هات ، پاش ئه‌وه‌ى توانى 8,2 ملیۆن دۆلار كۆبكاته‌وه‌ .