فیلمى "پاككه‌ره‌وه" پڕداهاتترین فیلمى ئه‌م هه‌فته‌یه‌ى ئه‌مریكاى باكوره
فیلمه‌كه له ده‌رهێنانى "جێمیس دیمۆناكو"و پاله‌وانیه‌تى هه‌ریه‌ك له ئیسان هۆك و لینا هیدى یه .
هه‌روه‌ها به‌شی شه‌شه‌مى فیلمى كارتوونى "خێراو هه‌ڵچوو" پاش ئه‌وه‌ى هه‌فته‌ى ڕابردوو له پله‌ى یه‌كه‌مدابوو ، بۆ ئه‌م هه‌فته‌یه به كۆكردنه‌وه‌ى 19,8 ملیۆن دۆلار گه‌ڕایه‌وه بۆ پله‌ى دووه‌م .
فیلمه‌كه‌ش له ده‌رهێنانى "جۆستن لین"و پاله‌وانیه‌تى ئه‌كته‌ران ڤین دیزل و دواین جۆنسونه .
به‌پێی هه‌والێكى ئاژانسی ڕۆیته‌رز فیلمى " جادوكه‌رى بانك" كه هه‌فته‌ى ڕابردوو له پله‌ى دووه‌مدابوو ، بۆ ئه‌م هه‌فته‌یه گه‌ڕایه‌وه پله‌ى سێیه‌م ، ئه‌ویش به كۆكردنه‌وه‌ى 19,5 ملیۆن دۆلار له‌م هه‌فته‌یه‌دا .
ئه‌م فیلمه‌ش له ده‌رهێنانى "لویس یتریر"و پاله‌وانیه‌تى هه‌ریه‌ك له ئه‌كته‌ران جیسی ئیزنبرگ و مارك ڕوفالویه .
له‌لایه‌كى تریشه‌وه فیلمى "ده‌رفه‌تى مه‌شق كردن" له ده‌رهێنانى "جۆن لیفى"و پاله‌وانیه‌تى فینس فۆن و ئاوین ویلسون به پله‌ى چواره‌م هات له‌سه‌ر ئاستى سینه‌مایه‌كانى ئه‌مریكاى باكور ، ئه‌ویش به به‌ده‌ستهێنانى 18,1 ملیۆن دۆلار .
هه‌روه‌ها فیلمى كارتوونى "ئاپیك" له پله‌ى چواره‌مه‌وه گه‌ڕایه‌وه بۆ پله‌ى پێنجه‌م ، پاش ئه‌وه‌ى له‌م هه‌فته‌یه‌دا توانى 12,1 ملیۆن دۆلار كۆبكاته‌وه .
KTV
