ئێستا ئه‌ستێره‌ی سینه‌مای جیهانیی براد بێت سه‌رقاڵی خوێندنه‌وه‌ی سیناریۆیه‌كی نوێی واقعییه‌‌ له‌سه‌ر جه‌نگی دووه‌می جیهانی و ئه‌م سیناریۆیه‌شی به‌ به‌شێك له‌ پڕۆژه‌كانی داهاتووی خۆی داناوه‌.
فیلمه‌كه‌ به‌ناوی (Fury) ده‌بێت له‌ نووسین و ده‌رهێنانی دیڤید ئایره‌ كه‌ خاوه‌نی سیناریۆی فیلمی (Training Day)یه‌ و له‌ ساڵی رابردوو یه‌كه‌م كاری ده‌رهێنانی ئه‌نجامدا كه‌ بریتی بوو له‌ فیلمی (End of Watch) و سه‌ركه‌وتنێكی گه‌وره‌ی به‌ده‌ستهێنا، چیرۆكی فیلمه‌كه‌ باس له‌ پێنج كه‌س ده‌كات كه‌ تیمی سه‌ربازی تانكێكی جه‌نگین له‌ رۆژه‌كانی دوایی جه‌نگه‌كه‌، ده‌رباره‌ی فیلمه‌كه‌ ئایر ده‌ڵێ: فیلمه‌كه‌ بریتییه‌ له‌ دروستكردنی وێنه‌یه‌كی راسته‌قینه‌ و ژماره‌یه‌ك له‌ سه‌ربازه‌كان له‌ كاتی جه‌نگدا، هه‌روه‌ها كار كردنه‌ له‌سه‌ر چه‌ند كه‌سایه‌تییه‌كی ئاڵۆز وه‌كو پێنج سه‌ربازی ناو تانكێك و گه‌مارۆدانی سه‌ربازه‌كان وه‌ك به‌شێك له‌و كوشتنه‌ی كه‌ رووده‌دات، شایه‌نی باسه‌ ساڵی رابردوو براد بێت له‌ فیلمی (Inglourious Basterds) به‌شداری كرد له‌ چاره‌سه‌ر كردنێكی نیمچه‌ خه‌یاڵی جه‌نگی دووه‌می جیهان له‌گه‌ڵ ده‌رهێنه‌ر كوینتن تارنتینۆ.